維基百科

維吾爾族種族滅絕

由習近平領導嘅中國共產黨發動針對新疆維吾爾族嘅種族清洗

維吾爾人嘅大清洗，或叫維吾爾種族滅絕、新疆種族滅絕，係中華人民共和國境外嘅團體同個人對中國共產黨嘅政治迫害指控[1][2]。由2014年開始[3]，中共政府喺總書記習近平嘅行政中下令搞新疆再教育營，有100幾萬嘅穆斯林（大多數係維吾爾人）未經任何法律程序就畀送入新疆拘留營[4]。批評話中共係諗著喺新疆搞漢化，同時將呢啲行動叫做種族文化滅絕[5][6][7][8][9][10][11][12]。

批評強調咗政府嘅政策令到維吾爾人任意畀集中圂（wan6）喺新疆拘留營[13][14][15]，維吾爾工人從事強迫勞動[16]，而仲畀壓制埋伊斯蘭教嘅宗教活動 [17][18] 兼且受到政治灌輸 [4][19]，身體畀人虐待[20]，仲畀強制絕育同避孕[21] [22]。而根據中國官方嘅統計數據，由2015到2018年，維吾爾人喺主要居民嘅和田同喀什一帶，啲出生率驟降超過咗六成[23]。中國官方亦都承認咗2018年新疆嘅出生率下跌咗成三分一，而新疆社科院嘅報告又話，2017年前新疆人口嘅出生率基本維持喺 15% 左近，到2018年新疆人口嘅出生率就有跌少少，但同中國大陸整體係基本持平：新疆嘅出生率係10.69%，全大陸嘅出生率係10.94%，維吾爾人嘅出生率係11.9%[24][25]。

情況

編輯

法新社喺2021年4月26號報導，佢哋訪問咗一對喺新疆住咗十年嘅加拿大夫婦，佢哋形容中共對維吾爾人嘅鎮壓非常有系統，自己同1200萬維吾爾人生活喺巨大嘅監獄入面。自2009年起，傳統嘅維吾爾人社區開始被拆除，當局亦非常有系統咁鎖定維吾爾人文化，一開始係限制穆斯林傳統，跟住擴大到包括食品、服裝甚至係語言嘅規則。例如，一開始只係部份版本嘅可蘭經被禁止，最後所有嘅突厥語書籍都被禁，有啲地方亦有標示牌上寫住唔俾講維吾爾語。之後，就連行入一間雜貨店，都要通過機場規格嘅安檢[26]。

長期關注問題嘅學者王亞秋形容，中國政府嘅根本目的係將維族人「徹底漢化」，目的同打壓香港人權自由以及聲稱統一後對台灣人進行「再教育」嘅本質一樣[27]。

各界反應

編輯

香港政界

編輯
  • 泛民主派一直認為中共侵犯新疆人民嘅人權，曾經多次公開批評北京政府，又要求北京唔好再用教育嘅名義送佢哋入集中營洗腦，同埋停止打壓、濫捕濫告。佢哋亦不時借中國大陸嘅情況，鼓勵香港人唔好放棄爭取民主人權[28][29]。
  • 建制派一般採取同北京相若嘅立場，話呢啲指控係西方社會抹黑，有部分政黨甚至直接採取否認種族滅絕嘅態度。

台灣政界

編輯
  • 台灣立法院喺2022年12月，由王定宇、林昶佐、王婉諭等跨黨派立委首度提案並通過咗決議文要求政府研議制裁中共迫害維族嘅行為。其中立院人權委員會副會長、民進黨立委范雲講咗台灣身為國際民主陣營嘅一員，應該同其他民主國家合作去聲援維吾爾人人權議題。時代力量立委邱顯智提到咗德國嘅新疆專家鄭國恩喺維吾爾人議題中嘅研究，話喺「再教育營」嘅待遇確實達到咗聯合國對於人口滅絕行動嘅定義。然後台灣國會維吾爾連線會長、無黨籍立委林昶佐呼籲台灣加強對新疆強迫勞動下嘅產品制裁，畀中國政府多啲壓力嚟改善問題。最後仲要畀維吾爾人提供多啲支持，包括對受迫害嘅維吾爾人表達慰問[36][37]。
  • 民進黨議員通常對中共喺新疆嘅人權侵害帶住強烈嘅批判態度。譬如喺2021年3月29日，由罗致政同埋莊瑞雄等民進黨籍立委舉辦咗記者會，總共九名議員着住俾中國政府抵制品牌嘅衫並且拎住撐維吾爾人權運動嘅標牌。喺採訪中話由強迫勞動造成嘅「新疆血汗棉」問題，反對中國政府喺侵害咗人權嘅同時以民族主義同「義和團」方式嚟迫西方國家同企業喺呢個議題中退讓[38]。指出維吾爾人嘅人權問題同台灣問題息息相關，所以佢哋有責任去聲援維吾爾人權嚟捍衞自由民主價值。並且呼籲中國公開關於維吾爾人情況嘅資訊，開放俾國際組織自由入嚟新疆瞭解真實行情，先能夠證明得到中國政府冇對維吾爾人侵害[39][40]。
  • 國民黨洪秀柱曾經質疑，中國壓迫維吾爾人係錯誤訊息，又反問點解唔聽中共出嚟反駁嘅說話[41][42]。喺2022年12月，台灣立法院對維吾爾人權嘅跨黨派提案決議文嗰陣，唯獨國民黨同民眾黨呢兩個政黨缺席冇加入其它政黨嘅連署[43]

國際社會嘅反應

編輯

而國際社會就有唔同嘅反應，聯合國成員國度開初有54個代表，係公開支持咗中國政府對新疆嘅政策[44][45]，到2020年10月就减到去45個[46]，另有39個國家代表就譴責咗中國政府喺新疆嘅做法係侵犯人權[47]。喺2020年7月同8月，人權組織就呼籲過國際刑事法庭同聯合國人權理事會去調查返有關中國官員嘅反人類罪，仲有種族滅絕罪嘅指控[48][49][50]。

喺2021年1月19號，即將卸任嘅美國國務卿龐比奧就公開話中國當局係對維吾爾人犯咗「種族滅絕罪同反人類罪」。接任龐比奧嘅布林肯都同意埋呢個講法[51][52]。而北京嘅外交部發言人華春瑩就回應話啲指控係「聳人聽聞的偽命題和惡意荒唐鬧劇」、「過去不曾、現在没有、將來也不會發生在中國大地上」。同時仲話當地嘅維吾爾人嘅人口係自2010到2018年增長咗25.04%，話高過同期新疆唔同族裔嘅人口同埋中國漢族人口嘅增長率[53]。

喺跟著嘅1月24號，加拿大保守黨影子外交部長莊文浩（Michael Chong）同埋同黨嘅國際發展與人權部影子部長加內特·吉尼斯（Garnett Genuis）發表咗聯合聲明，認定中共係有對維吾爾嘅穆斯林做出咗群體滅絕罪行，同時促請由自由黨執政嘅加拿大政府盡快發出正式嘅指控聲明，亦準備喺下議院度動議辯論。而喺之前嘅2020年10月，加拿大下議院嘅其中一個有唔少執政自由黨人嘅事務委員會，係經已發表過聲明認定咗中共對維吾爾人嘅迫害係種族滅絕，只不過並未有加拿大官方機構嘅記認[54][55]。

加拿大下議院喺當地時間2月22號，經會議表決，以 266 票贊成、0 票反對下通過咗無約束力嘅動議，確認咗北京政府對維吾爾人嘅政策係構成咗種族滅絕，以施壓自由黨總理杜魯多嘅政府跟進。議案亦追加修訂，呼籲埋國際奧林匹克委員會唔應該再俾北京主辦2022年冬季奧運。呢次動議投票時總理同內閣都棄咗權，不過自由黨嘅「後座議員」（唔屬於內閣嘅成員）就都投咗贊成票[56][57]。

3月11號，《華爾街日報》歐盟27個成員國當日同意就新疆人權問題制裁中國，涉及4個中國公民同1個實體，將會係1989年天安門事件後，歐盟事隔32年再次制裁中國[58][59][60]。

而去到2021年10月，美國總統拜登一次演說入面，將北京政府對維吾爾族進行嘅種族滅絕行為，定義為大屠殺，並且將呢啲行為同納粹相提並論[61]。

中方回應

編輯

中國對事件同指控持否認態度，但好多時候都唔願意為意為新疆人權報告提供資料[27]，但就曾經被揭發引用虛假資料，甚至係自己以造假方式回應。

反駁指控記者會疑似造假

編輯

中國外交部喺2021年進行過一場記者會，安排幾名自稱維吾爾族人發言，試圖反駁關於新疆再教育營嘅指控，但就被踢爆疑似造假。其中一名發言，自稱叫做塔黑日江·托合，喺入面結業嘅學員，就被揭發幾月前喺2020年7月14號新華網一段宣傳回鄉創業嘅片段入面現身，當時自稱係上海復旦大學畢業，之後返去和田市創業。而喺呢段新華網嘅宣傳片入面，亦冇提過任何喺新疆受培訓嘅經歷，反而強調自己擁有復旦大學嘅高學歷。世界維吾爾代表大會嘅發言人話，北京咁做係欺騙國際社會，又話嗰個人如果係上海復旦大學畢業學生，佢當年高考嘅成績應該相當高，漢語讀寫能力亦有一定水平，根本唔使再特別去學習國家通用語言同埋文字[62]。

誤導式引述美國前高官承認問題係美國陰謀

編輯

中國外交部發言人華春瑩喺2021年3月26號嘅記者會上播放片段，聲稱美國退役陸軍上校、前美國國務卿鮑威爾嘅幕僚長韋加臣親口承認所謂新疆維吾爾族問題，只不過係美國對中國戰略陰謀。不過，韋加臣佢當時已經離開咗美國政府超過10年，根本唔能夠代表或者反映美國嘅政策，而且韋加臣最後其實講到自己嘅說法，只係其中一個可能，但嗰句華春瑩就冇播到出嚟[63]。

雖然係咁，香港唔少親中派人士同組織，例如Facebook專頁聲討教協，以及蔣麗芸同李梓敬等，都積極散播呢啲假訊息[63]。

外部嘅調查同報告

編輯

2020年3月，喺英國倫敦嘅獨立「人民法庭」（China Tribunal，又叫做中國法庭），喺英國律師尼斯 (Geoffrey Nice) 嘅主持下，審查過詳實嘅證人證言後，發現中國當局繼續有摘取被處決囚犯嘅器官，包括咗維吾爾人同法輪功成員，因而做出咗書面判決，認定係對呢啲群體犯有「反人類罪」。官方予以咗否認[64][65]。

喺2021年1月14號，美國國會及行政部門中國問題委員會（Congressional-Executive Commission on China, CECC）出嘅一份年度報告度表示，發現咗最新證據表明中國政府「執行咁危害人類嘅罪行，甚至可能係已犯咗滅絕種族罪。」北京方面否認指控[66]，反指 CECC「痴迷於編造各種謊言來詆毀中國。」

而「人民法庭」喺2月4號再表示，將再審查中國對維吾爾族暴行嘅指控。雖然法庭冇國家嘅支持，但尼斯同記者講，20世紀嘅時候呢種小組對於追究罪犯責任有著重要嘅作用，並指中國係會阻止聯合國嘅任何國際起訴。法庭計劃喺5月同9月喺倫敦舉行兩輪聽證會，以趕喺2021年尾前裁判中國係咪犯有種族滅絕罪同反人類罪。8名陪審員預計會聽取30幾名證人嘅證詞，其中大部分都係維吾爾族人，仲有一啲係國際法專家。組織話係聯繫埋中國駐倫敦大使館參加，但未收到任何回覆[65]。

而由多位嚟自倫敦艾賽克斯法院（Essex Court Chambers）嘅大律師，喺人權團體世界維吾爾代表大會（World Uyghur Congress）同維吾爾人權協會（Uighur Human Rights Project）嘅促請下，由2020年9月左右就開始對成件指控嘅評估。經過長達六個月嘅時間，佢哋認真審視咗嚟自政府、非營利組織、學者、媒體所提供嘅證據，包含嚟自倖存者嘅證詞、衛星嘅圖像、嚟自中國政府內部嘅洩漏文件等等。最尾喺2021年2月頭正式完成一份成百頁嘅「法律意見書」（Legal Opinion），結論係非常可信中國當局有針對維吾爾人犯有種族滅絕罪[67]，違反咗國際法。呢份文件俾睇作係英國第一個正式嘅評估咗中國政府對維吾爾人行為嘅法律文件，雖然唔屬於法官嘅判刑，但通常呢類文件可以作為法庭上嘅有利證據。據報呢份意見書2月9號就會交去英國下議院，如國會通過將遞交俾最高法院審判[68]。

一班試過入禀國際刑事法院（International Criminal Court）、指控中國政府強制遣返身處塔吉克等國維吾爾人嘅律師團隊，喺6月10號向法院提交咗新證據，以證明國際刑事法院擁有管轄權，可以正式咁立案調查。律師團嘅代表狄克森（Rodney Dixon）喺14號嘅記招度透露，佢哋新調查蒐集嘅證據表明，中國嘅特工人員係進入埋塔吉克境內，識別、鎖定同圍捕喺當地生活嘅維吾爾人，以便將呢啲人遣送到中國。而東突厥斯坦流亡政府嘅一份聲明就話，律師團隊調查同收集到嘅證據顯示，北京當局係調動埋喺塔吉克境內嘅代理人員，對生活當地嘅維吾爾人實施強制遣返。聲明指當地嘅中國大使館控制咗所有塔國維吾爾人嘅快勞，係會故意延遲批准呢啲人嘅簽證同工作許可，而身處塔吉克嘅代理執法人員就會引導埋塔吉克警方，突襲呢啲維吾爾人嘅住所同工作地，冇「有效文件」嘅人就會被代理人員以少數人為一組嘅形式低調遣送返中國度，避免惹起外界嘅關注[69][70][71]。

參考

編輯
  1. ↑ 德國之聲。〈控中国"种族灭绝"流亡维吾尔团体告上国际刑庭〉。
  2. ↑ 德國之聲。〈美高官：中国正在新疆实施"接近于"种族灭绝的犯罪〉。
  3. ↑ Davidson, Helen (18 September 2020). "Clues to scale of Xinjiang labour operation emerge as China defends camps". The Guardian.{{cite news}}: CS1 maint: url-status (link)
  4. ↑ 4.0 4.1 "UN: Unprecedented Joint Call for China to End Xinjiang Abuses". Human Rights Watch. 2019-07-10. 原著喺2019-12-17歸檔. 喺2020-12-18搵到.
  5. ↑ ""'Cultural genocide': China separating thousands of Muslim children from parents for 'thought education'" - The Independent, 5 July 2019". 原先內容歸檔喺2020-04-22. 喺2020-04-27搵到.
  6. ↑ ""'Cultural genocide' for repressed minority of Uighurs" - The Times 17 December 2019". 原著喺2020-04-25歸檔. 喺2020-04-27搵到.
  7. ↑ ""China's Oppression of the Uighurs 'The Equivalent of Cultural Genocide'" - 28 November 2019". 原著喺2020-01-21歸檔. 喺2020-04-27搵到.
  8. ↑ ""Fear and oppression in Xinjiang: China's war on Uighur culture" - Financial Times 12 September 2019". 原著喺2020-04-14歸檔. 喺2020-04-27搵到.
  9. ↑ ""The Uyghur Minority in China: A Case Study of Cultural Genocide, Minority Rights and the Insufficiency of the International Legal Framework in Preventing State-Imposed Extinction" November 2019". 原著喺2020-02-15歸檔. 喺2020-04-27搵到.
  10. ↑ ""China's crime against Uyghurs is a form of genocide" - Summer 2019". 原著喺2020-02-01歸檔. 喺2020-04-27搵到.
  11. ↑ Carbert, Michelle (2020-07-20). "Activists urge Canada to recognize Uyghur abuses as genocide, impose sanctions on Chinese officials". The Globe and Mail. 原著喺2020-11-01歸檔. 喺2020-10-20搵到.
  12. ↑ Steger, Isabella (2020-08-20). "On Xinjiang, even those wary of Holocaust comparisons are reaching for the word "genocide"". Quartz. 原著喺2020-10-23歸檔. 喺2020-10-20搵到.
  13. ↑ Waller, James; Albornoz, Mariana Salazar (2021). "Crime and No Punishment? China's Abuses Against the Uyghurs". Georgetown Journal of International Affairs. 22 (1): 100–111. doi:10.1353/gia.2021.0000. ISSN 2471-8831.
  14. ↑ Danilova, Maria (2018-11-27). "Woman describes torture, beatings in Chinese detention camp". AP NEWS. 原著喺2019-12-13歸檔. 喺2019-12-02搵到.
  15. ↑ Stewart, Phil (2019-05-04). "China putting minority Muslims in 'concentration camps,' U.S. says". Reuters (英文). 原著喺2019-12-08歸檔. 喺2019-12-02搵到.
  16. ↑ 〈中国: 联合国人权专家对维吾尔人被拘留和强迫劳动的指控深感关切〉。《联合国新闻》 (簡體中文)。2021-03-29。喺2022-01-24搵到。
  17. ↑ Congressional Research Service (2019-06-18). "Uyghurs in China" (PDF). Congressional Research Service. 原著 (PDF)喺2020-12-18歸檔. 喺2019-12-02搵到.
  18. ↑ Blackwell, Tom (2019-09-25). "Canadian went to China to debunk reports of anti-Muslim repression, but was 'shocked' by treatment of Uyghurs". National Post (加拿大英文). 原著喺2020-12-18歸檔. 喺2019-12-02搵到.
  19. ↑ "Muslim minority in China's Xinjiang face 'political indoctrination': Human Rights Watch". Reuters. 2018-09-09. 原著喺2020-11-09歸檔. 喺2020-12-18搵到.
  20. ↑ "Responsibility of States under International Law to Uyghurs and other Turkic Muslims in Xinjiang, China" (PDF). Bar Human Rights Committee. 原著 (PDF)喺2020-09-21歸檔. 喺2020-12-18搵到.
  21. ↑ Enos, Olivia (2019-08-29). "China's Forced Sterilization of Uighur Women Is Cultural Genocide". The Heritage Foundation. 原著喺2019-12-02歸檔. 喺2019-12-02搵到.
  22. ↑ "China 'using birth control' to suppress Uighurs". BBC News (英國英文). 2020-06-29. 原著喺2020-06-29歸檔. 喺2020-07-07搵到.
  23. ↑ "China cuts Uighur births with IUDs, abortion, sterilization". Associated Press. 2020-06-28. 原著喺2020-12-16歸檔. 喺2020-12-18搵到.
  24. ↑ 〈新疆社科院反驳"人口灭绝" 学者称"数字游戏"〉。
  25. ↑ CNN, Ivan Watson, Rebecca Wright and Ben Westcott (2020-09-21). "Xinjiang government confirms huge birth rate drop but denies forced sterilization of women". CNN. 原著喺2020-09-27歸檔. 喺2020-09-26搵到.
  26. ↑ 〈加拿大夫妇居新疆10年 感觉和维吾尔人同困大监狱 – 法国国际广播电台 - RFI〉。《RFI - 法国国际广播电台》 (簡體中文)。2021-04-26。喺2021-04-27搵到。
  27. ↑ 27.0 27.1 〈【聯合國新疆人權報告】澳洲維吾爾族社區為何不敢發聲？〉。SBS Language (繁體中文)。喺2023-11-06搵到。
  28. ↑ 〈2019年中國人權惡夢 要求釋放所有民運人士、停止打壓維吾爾族〉。《公民黨》 (繁體中文)。原著喺2021-03-31歸檔。喺2021-03-29搵到。
  29. ↑ hka8964 (2018-09-01)。〈2018年9月2日【抗議中共侵犯新疆人民人權】〉。香港支聯會 Hong Kong Alliance in Support of Patriotic Democratic Movements of China (臺灣中文)。原著喺2021-03-31歸檔。喺2021-03-29搵到。
  30. ↑ 30.0 30.1 〈接受葉劉訪問 Save HK 創辦人：新疆沒種族滅絕、少數民族人權比中國人更好 | 立場報道 | 立場新聞〉。《立場新聞 Stand News》 (英文)。原著喺2021-02-25歸檔。喺2021-03-28搵到。
  31. ↑ 〈【Emily】葉劉提新疆紅星駁種族滅絕論 外媒記者紛狠批：卑鄙嘅推文 - 20210129 - 港聞〉。《明報新聞網 - 每日明報 daily news》 (繁體中文)。喺2021-03-28搵到。
  32. ↑ 〈天下圍中︱李梓敬踩場促H&M道歉 同場潘國山穿Nike鞋 ｜ 蘋果日報〉。《Apple Daily 蘋果日報》 (香港中文)。原著喺2021-03-27歸檔。喺2021-03-30搵到。
  33. ↑ 〈【新疆棉風波】公民力量到H&M抗議 李梓敬稱產品質素低劣、白色內衣「著幾次就黃」 | 獨媒報導〉。《香港獨立媒體網》。喺2021-03-30搵到。
  34. ↑ Speakout-港人講地。〈【新疆棉花】陳恒鑌等人發起聯署行動 要求H&M公開道歉〉。www.speakout.hk (英文)。喺2021-03-30搵到。
  35. ↑ 〈【新疆棉風暴】團體要求 H&M 道歉 建制 KOL 高松傑：每晚與新疆美女抖音交流 何來無自由？ | 立場報道 | 立場新聞〉。《立場新聞 Stand News》 (英文)。原著喺2021-04-02歸檔。喺2021-04-02搵到。
  36. ↑ 〈維族女子出書揭中國「再教育營」暴行 跨黨派立委提決議文促政府研議制裁〉。tw.news.yahoo.com (中文)。喺2023-01-15搵到。
  37. ↑ 聯合新聞網 (20221230T140047Z)。〈寫書揭露再教育營 維族作家流亡美國仍遭中國威脅〉。《聯合新聞網》 (中文)。喺2023-01-15搵到。 {{cite web}}: Check date values in: |date= (help)
  38. ↑ "https://twitter.com/rfa_chinese/status/1376402084765962240". Twitter (英文). 喺2023-01-15搵到. {{cite web}}: External link in |title= (help)
  39. ↑ 〈民进党立委穿"抵制新疆棉"品牌 声援维族人权〉。Radio Free Asia (中國中文)。喺2023-01-15搵到。
  40. ↑ admin。〈民進黨立委穿"抵制新疆棉"品牌 聲援維族人權＋游錫堃：抵制新疆棉不是政治而是人權問題 | Taiwan Justice | 台灣公義報〉 (美國英文)。原著喺2023-01-15歸檔。喺2023-01-15搵到。
  41. ↑ 民間全民電視公司 (2021-03-27)。〈快新聞／質疑中國壓迫維吾爾人是錯誤訊息 洪秀柱疾呼：應該要弄清真相〉。《民視新聞網》 (繁體中文)。喺2021-03-28搵到。
  42. ↑ 自由時報電子報 (2021-03-27)。〈新疆棉風波爭議 洪秀柱：新疆真的有屠殺維吾爾族人？ - 政治〉。《自由時報電子報》 (中文)。喺2021-03-28搵到。
  43. ↑ 自由時報電子報 (2022-12-31)。〈跨黨派立委提案制裁中共新疆惡行 這2黨全缺席 - 政治〉。《自由時報電子報》 (中文)。喺2023-01-15搵到。
  44. ↑ "Joint Statement delivered by Permanent Mission of Belarus at the 44th session of Human Rights Council". www.china-un.ch. 原著喺2020-08-10歸檔. 喺2020-08-12搵到.
  45. ↑ "Letter to UNHRC" (PDF). United Nations Human Rights Council. 原著 (PDF)喺2020-09-26歸檔. 喺2020-08-12搵到.
  46. ↑ Basu, Zachary (2020-10-08). "Mapped: More countries sign UN statement condemning China's mass detentions in Xinjiang". Axios. 原著喺2020-11-01歸檔. 喺2020-12-18搵到.
  47. ↑ Kashgarian, Asim. "Diaspora Uighurs Say China Confirms Deaths, Indictments of Missing Relatives Years Later". www.voanews.com. VOA News. 原著喺2020-12-18歸檔. 喺2020-10-23搵到.
  48. ↑ Simons, Marlise (2020-07-06). "Uighur Exiles Push for Court Case Accusing China of Genocide". The New York Times (美國英文). ISSN 0362-4331. 原著喺2020-07-10歸檔. 喺2020-07-08搵到.
  49. ↑ Kuo, Lily (2020-07-07). "Exiled Uighurs call on ICC to investigate Chinese 'genocide' in Xinjiang". The Guardian (英國英文). ISSN 0261-3077. 原著喺2020-07-08歸檔. 喺2020-07-08搵到.
  50. ↑ "Activists want UN to probe 'genocide' of China's Uighur minority". Al Jazeera. 2020-09-15. 原著喺2020-10-20歸檔. 喺2020-10-20搵到.
  51. ↑ 〈美认定新疆维族遭种族灭绝 新政府表态同意〉。
  52. ↑ https://www.state.gov/determination-of-the-secretary-of-state-on-atrocities-in-xinjiang/
  53. ↑ 〈外交部发言人：末日小丑蓬佩奥必将受到历史公正的审判和清算〉。
  54. ↑ Canada urged to formally label China’s Uyghur persecution as genocide PUBLISHED JANUARY 24, 2021 The Globe and Mail
  55. ↑ 加保守黨部長促政府 認定中共犯群體滅絕罪 2021-01-25 大紀元
  56. ↑ 加拿大國會通過動議確認北京在新疆推行“種族滅絕” 互聯網檔案館嘅歸檔，歸檔日期2021年3月1號，. RFI 2021-02-23
  57. ↑ 加拿大國會266：0通過動議 稱中國對維吾爾種族滅絕 中央通訊社（臺灣） 2021-02-23
  58. ↑ 〈相隔32年 歐盟同意就涉疆問題制裁華官員〉。《on.cc東網》 (香港中文)。喺2021-03-12搵到。
  59. ↑ 〈難忍中國侵犯新疆人權 歐盟震怒制裁四個中國公民 | 國際〉。《新頭殼 Newtalk》 (中文)。2021-03-12。喺2021-03-12搵到。
  60. ↑ 〈歐盟將就侵犯新疆人權制裁4名中國官員和一家實體〉。《RFI - 法國國際廣播電台》 (繁體中文)。2021-03-12。喺2021-03-12搵到。
  61. ↑ "Biden links policies targeting Uygurs in Xinjiang to the Holocaust". South China Morning Post (英文). 2021-10-16. 喺2021-10-20搵到.
  62. ↑ 〈復旦維族高材生變再教育營學員？ 世維會發言人踢爆：北京搵臨記呃外媒 ｜ 蘋果日報〉。《Apple Daily 蘋果日報》 (香港中文)。原著喺2021-04-04歸檔。喺2021-04-04搵到。
  63. ↑ 63.0 63.1 〈【誤導內容】美前高官承認「新疆維吾爾族問題是美國陰謀」？ | Factcheck Lab 事實查核實驗室〉。《香港獨立媒體網》。喺2021-04-29搵到。
  64. ↑ 英國正式立法 抵制中共活摘器官 大紀元 2021-02-15
  65. ↑ 65.0 65.1 人民法庭調查新疆罪行 英澳美批北京不透明 2021-02-05 yahoo奇摩新聞 轉載DW中文
  66. ↑ 美國國會最新報告　指控中國可能對維吾爾人犯「種族滅絕罪」 湯道進 上報 2021-01-15
  67. ↑ Uighurs: 'Credible case' China carrying out genocide By James Landale 8 February，2021 BBC 2021-02-08
  68. ↑ 英國首份法律文件認定中國在新疆種族滅絕 習近平須負最大責任 沈寧 上報 2021-02-09 yahoo奇摩新聞轉載
  69. ↑ 律师提新证据 指中方强制遣返塔国维吾尔人 2021-06-14 RFA
  70. ↑ 一組律師要求國際刑事法院調查中國踐踏維吾爾權利 互聯網檔案館嘅歸檔，歸檔日期2021年6月16號，. 綜合報導 2021-06-14 民報
  71. ↑ 塔吉克維吾爾族「被失蹤」到中國　人權律師提交證據促國際刑事法院調查 互聯網檔案館嘅歸檔，歸檔日期2021年6月16號，. 2021-06-11 蘋果日報

睇埋

編輯

出面網頁

編輯
由「https://zh-yue.wikipedia.org/w/index.php?title=維吾爾族種族滅絕&oldid=2160199」收