文匯報 (香港)
(由文汇报 (香港)跳轉過嚟)
評價同爭議事件
編輯《文匯報》嘅立場親中共，引伸對非建制派嘅態度亦唔友善，而且亦涉過一啲針對香港民主派嘅新聞嘅爭議。另外，末代港督彭定康喺回應蘋果日報同壹週刊停刊事件嘅時候，亦提到《文匯報》經常出版謊言、誣捏政府[1]。
跟蹤本土派人士鍾翰林
編輯2017年10月，《文匯報》跟蹤本土派人士鍾翰林。跟蹤時間包括喺10月20號，由鍾翰林放學至到返歸[2]。 2017年10月23號，《文匯報》喺報道展示鍾翰林住嘅大廈嘅大門[3]。
鍾翰林做召集人嘅組織學生動源發聲明譴責，《文匯報》嚴重侵犯鍾翰林嘅個人私隱，同表示，唔驚任何騷擾，會繼續將香港獨立嘅聲音帶入校園[2]。
老屈天文台訛稱超強颱風逼港
編輯喺2021年4月18號，《文匯報》報導話天文台預測超強颱風「舒力基」逼港、殺入800公里範圍內，但實情係，天文台只係預測個風最大機會喺1,000公里外掠過。事件被民間氣象網站香港天氣資訊中心批評，質問佢哋係咪真係睇住天文台預報去撰寫新聞，又話報導嘅錯處多到不堪入目，語意不清。《蘋果日報》報道《文匯報》出錯嘅時候亦揶揄，提及保安局局長李家超亦話要處理「假新聞」問題，但《文匯報》無修正有關報道，唔知鄧炳強同李家超會點跟進[4]。
睇埋
編輯參考
編輯- ↑ 〈【蘋果終章】彭定康﹕《大公》《文匯》出版謊言 港英也沒關閉它們 | 立場報道 | 立場新聞〉。《立場新聞 Stand News》。原先內容歸檔喺2021-06-23。喺2021-06-24搵到。
- ↑ 2.0 2.1 〈《文匯》跟蹤鍾翰林 學生動源發聲明譴責〉。《《[[立場新聞]]》》。2017-10-23。原先內容歸檔喺2019-08-20。喺2017-10-23搵到。
- ↑ 〈神秘交收「獨」品 「學動」再禍校園〉。《《[[文匯報]]》》。2017-10-23。原先內容歸檔喺2019-09-23。喺2017-10-23搵到。
- ↑ 〈李八方online︱《文匯報》屈天文台 訛稱超強颱風逼港 實情千公里外掠過 ｜ 蘋果日報〉。《Apple Daily 蘋果日報》 (香港中文)。原著喺2021-04-19歸檔。喺2021-04-20搵到。
