周大福創建
(由新創建跳轉過嚟)
周大福創建有限公司（英文：CTF Services Limited，港交所：00659），原名新創建集團有限公司（英文：NWS Holdings Limited），係喺香港同中國內地擁有多元化及市場領先業務既一間綜合基建企業，2002年成立。公司由新創建前身太平洋港口有限公司、新世界創建同埋新世界基建嘅基建業務重組而成。公司嘅主要股東係周大福企業集團，主席係生意人鄭家純。集團主要業務包括投資及管理中國收費高速公路、從事物流及倉儲等業務。集團其他業務有保險、設施管理，建築。
| 類型 | 上市公司 |
|---|---|
| 開檔 | 2002年 |
| 總部地址 |  香港 |
| 緊要人物 | 主席：鄭家純 |
| 產業 | 綜合企業 |
| 網址 | 周大福創建有限公司 |
新創建旗下嘅香港會議展覽中心（管理）有限公司負責管理灣仔香港會議展覽中心。新創建集團喺2010年6月11號宣佈同豐盛創建企業有限公司達成協議，向佢出售部分從事服務業務嘅附屬公司－新創機電工程集團有限公司，總代價8.885億港元。
2023年6月27號，周大福企業（港交所：01929）提出以每股9.15港元收購重未實益持有嘅新創建全部已發行股份，比新創建股份喺最後交易日暫停買賣前喺香港聯合交易所所報嘅收市價每股7.99港元溢價14.5%。要約所需嘅最高現金金額將約爲355.12億港元。2024年12月19號正式改公司名。
