新興村

新興村（粵拼：san1 hing1 cyun1）可以係：

• 廣東
  • 梅州豐順嘅村，請睇《湯西鎮》

    新興個名合成自新石同南興兩條圍村嘅名。

    1956年叫新興高級社；1959年改成新興大隊；1987年改成新興管理區；1999年改成新興村。

  • 韶關乳源嘅村，請睇《乳城鎮》

    新興個名起自中共建政之初，屬於有政治含義嘅地名。

    1949年後設新興鄉；1958年改爲新興大隊；1983年恢復爲鄉；1986年降級成村；1989年改成新興管理區；1998年恢復爲村。

  • 廣州白雲區嘅村，請睇《人和鎮》

    原名叫兔崗（tou3 gong1）。1949年後兔崗屬番禺縣第十區，歸同文鄉；後來因爲兔崗村人多，原先就分有上、中、下三社，就將呢三社分割成行政村；當中兔崗上社改名叫新興村。

    1958年係兔崗大隊；1961年變成新興大隊；1984年升爲新興鄉；1987年撤銷區公所，歸入人和鎮，就變成新興村。

  • 汕尾陸豐嘅村，請睇《甲東鎮》

    新興係甲東最後起嘅村，初時叫新鄉（san1 hoeng1），後來雅化成新興。

    清乾隆元年（1746年）由蔡氏宗族開村。土改時屬四圍鄉，1958年獨立成新興大隊；1984年改成新興管理區；1999年改成新興村。

• 廣西
  • 南寧
    • 賓陽嘅村，請睇《古辣鎮》

      佢原本係稔竹嘅龍興片（lung4 hing1 pin3），後來獨立成新設嘅政區。「新」指新設，「興」指龍興片。

      1968年從稔竹大隊分出新興大隊；1984年改成新興村；1987年改成新興村公所；1995年恢復爲村委。

    • 橫縣嘅村，請睇《巒城鎮》

      明末清初時，有外地人搬入呢度起村，繁衍至今。「新興」意思話佢係條新村。

      1952年，新興同灣渡、格木合併成格木鄉；1956年改成高級農業社；1958年分出成新興、灣渡、格木三個大隊；1962年又合返成新興公社；1968年改成大隊；1984年分出新興、格木兩個村委會；1987年改成村公所；1995年恢復做村委。

    • 青秀區嘅村，請睇《中山街道》

      新興原本叫沙牛嶺（saa1 ngau4 leng5），有沖口坡、嘉猷坡、園上坡、曹屋坡。中共建政後，喺當地剿匪、土改，嗰陣時啲村幹部開會討論村名，就以「進入新時代、新生活」嘅意思起名叫新興。

      1953年設新興鄉；1958年改成大隊；1960年改成南寧市蔬菜農場新興分場；1963年恢復爲大隊；1984年改成村。

  • 河池宜州嘅村，請睇《屏南鄉》

    新興嘅意思係「興旺發達」噉解。

    清康熙年間，有果柑、果尚、果念三兄弟一路打獵到呢處，見山麓有眼清泉，泉眼西北面地勢平坦開闊，有百畝靚地，啱住人，就返去北浩村，帶晒鄉親定居呢度，初時叫摩洞（mo4 dung6）。1965年中共啲工作隊話摩洞同「摸肚」諧音，話佢「唔文明」，就改成新興。

• 貴州黔東南岑鞏嘅村，請睇《思暘鎮》

  原名叫萬家坪（maan6 gaa1 ping4），1958年設立新興呢個地名。

• 臺灣
  • 臺東
    • 新興村，請睇《金峰鄉》
    • 新興村，請睇《池上鄉》
  • 彰化嘅村，請睇《大村鄉》
• 吉林省
  • 吉林市
    • 蛟河嘅村，請睇《拉法街道》

      村名係攞「興旺發達」嘅意頭。喺人民公社化時代，呢度獨立出去，嗰年內出咗三次火燭，啲人求平安就起咗呢個名。

      滿洲國時屬新站保；1945年歸拉法區嘅拉法村管；1954年屬拉法鄉；1959年屬拉法公社嘅拉法管理區；1962年屬拉法大隊；1970年先從拉法大隊獨立成新興大隊；1983年改爲村。

    • 樺甸嘅村，請睇《常山鎮》

      村名嘅意思係「新興嘅農村」噉解。

  • 四平伊通嘅村，請睇《新興鄉》

    同上頭嘅鄉重名，意思係「新興起嘅」噉解。

  • 白城洮北區嘅村，請睇《青山鎮》

    村名意思係「新興起」噉解。

  • 長春農安嘅村，請睇《燒鍋鎮》

    村名係攞「生機勃發、興旺繁榮」嘅意頭。

• 黑龍江
  • 綏化蘭西嘅村，請睇《平山鎮》

    地名出自清宣統年間，有蒙古牧民遊牧到呢處，由於呢度草靚地大，令牧村發達，就叫佢做新興。

  • 牡丹江海林嘅村，請睇《山市鎮》

    新興係寓意住「國家同家園都興旺」噉解。

  • 雞西滴道區嘅村，請睇《滴道河鄉》

    地名意思係「新近興起」噉解。

• 遼寧
  • 本溪溪湖區嘅村，請睇《東風街道》

    1958年呢度成立過新興鄉，村名隨鄉名。

  • 丹東鳳城嘅村，請睇《東湯鎮》

    村名係「萬象更新，振興發展」噉解。

  • 錦州凌海嘅村，請睇《溫滴樓鄉》

    村名係諧音自「星星」（官話中，星星係xīngxīng，新興係xīnxīng）。明朝時有隕石跌來呢處，啲人話係天上跌咗粒星星落來，當時呢度叫星星屯（sing1 sing1 tyun4），之後官話諧音成新興。

• 重慶
  • 大足區嘅村，請睇《高坪鎮》

    村名意思係「新成立」噉解，同時寓意「興盛」。

  • 南岸區嘅村，請睇《塗山鎮》

    村名出自公社化時代嘅作業區名。

• 江蘇淮安市淮安區嘅村，請睇《南閘鎮》

  條村原名叫興莊（hing1 zong1），後來併入咗梁莊村來作爲新嘅興莊村，所以改名叫新興。

• 安徽滁州全椒嘅村，請睇《大墅鎮》

  村名係攞「發展美好」嘅寓意。

• 江西贛州贛縣嘅村，請睇《王母渡鎮》

  地名出自新興圩，個名係攞個吉利意頭。

• 河北石家莊靈壽嘅村，請睇《三聖院鄉》

  條村原本喺南營鄉，2000年時因爲泥石流而搬村來三聖院，作爲災民就起名做「新興」祈求好運。

• 天津東麗區嘅村，請睇《新立街道》

  村名意思係「新近興起」噉解。

出面網頁

• 中國國家地名信息庫