昇悅居（英文：Liberté） 喺香港西九龍長沙灣，發展商係新鴻基地產同信德集團，同隔籬嘅泓景臺、宇晴軒同埋碧海藍天一齊起，夾埋叫「西九四小龍」。
昇悅居舊址係信德船廠，隨住西九龍填海工程嘅進行，信德船廠已經搬去興華街西海邊。呢個屋苑喺2003年10月12號啟用，一共有7座樓宇，2,434個住宅單位，重有購物商場同埋住客會所。
昇悅居喺2004年曾經攞到香港康樂及文化事務署頒發嘅「私人物業最佳園林大獎」銀獎（高密度住宅園景設計組別）。[1]
昇悅居喺深水埗區嘅長沙灣，因為近港鐵荔枝角站（呢個站其實喺長沙灣工業區），所以容易搞到人誤會昇悅居喺荔枝角，而昇悅居實際上喺長沙灣。
