明園西街

明園西街（英文：Ming Yuen Western Street），係香港北角一條馬路，由英皇道開始，另一邊係掘頭路。

明園西街

歷史

明園西街嘅歷史可以追溯到20世紀。佢以前同錦屏街組成一個叫「名園」嘅地方，原先係墳場，之後又被改建做遊樂場，面積大約喺 1.9 公頃。喺1918年6月17號（農曆戊午馬年五月初九）星期一，名園就正式開業。1928年1月13號星期五，由陳倫用超過十一萬港幣投得易主，但做咗先半年，7月15號就宣佈收檔。一年之後嘅4月25號星期四至重新開返，場地同活動有︰滾軸溜冰場、跳舞場、單車場、粵劇場、兒童運動場、百鳥巢、唱書臺、九曲橋、韆鞦、旋轉木馬、無線電播音臺、燈謎、乒乓球、足球、排球、羽毛球等等，入場費就照舊兩毫。同年，上海聯華影業公司又用月租250蚊租嚟做佢喺香港分廠嘅製片場，拍攝粵語片。一年後又轉做「及時公司」經營，加入八陣圖（迷宮）、清暑殿（裝咗電風扇嘅房）、南北幻術（魔術表演）、談情室（情侶廂座），而入去更加係唔使錢。

相

• 
  六一二雨災，明園西街山洪暴發，大量雨水將五十幾部汽車沖到街口，疊埋一齊。