引用
(由明引跳轉過嚟)
喺文學，引用，又叫用典，係種修辭手法，即係指運用其他人嘅名言、事跡或作品，嚟支持作者嘅立場，嚟證明同加強自己所講嘅理論，令到文章嘅內容更為充實。引用可以係用名人講過嘅說話、名人嘅事、物、詩文、典故、寓言、成語、俗語、格言、諺語等。[1]引用依有冇注明內容來源出處分類，可以分為明引同暗引兩種。[2]
引用係一種訴諸權威或訴諸大眾嘅修辭法。引用利用咗一般人對於權威嘅崇拜同大眾意見嘅尊重，藉此加強言論嘅真實性、說理性、表現力、說服力，藉此達到言簡意賅嘅表達效果。除此之外，引用可以節省文辭，因為引用前人千錘百鍊嘅文字，或者大家比較熟悉嘅名言，往往會好過自己用十倍篇幅先表達到嘅效果。[2]
分類
編輯明引、暗引
編輯喺引用嘅時候，直接講明所引用嘅內容係出自邊度，畀讀者知道，就係明引；唔指名出處，就係暗引。明引比暗引有更強嘅效果。出處唔明確嗰陣，冇可能明引，唯有暗引。
- 明引
- 暗引
- 例句：「唔使專修經濟學都應該知，呢個世上冇免費嘅午餐。」—引用咗「呢個世上冇免費嘅午餐」呢句經濟學名言，不過句子入邊冇講話句嘢係邊個講嘅。
全引、略引
編輯全引就係完全唔刪改任何字詞嘅引用；略引就係會刪改少少字詞嘅引用。