香港歷史博物館
香港歷史博物館位於香港九龍尖沙咀漆咸道南100號，由香港康樂及文化事務署管理，耗資3億9千萬元。
香港歷史博物館為香港居民同遊客介紹香港嘅歷史，展覽內容包括香港同南中國一帶嘅考古發現、珍貴文物同資料等；涵蓋自然生態、民間風俗同歷史發展，向參觀者呈現香港四億年來嘅自然生態環境同歷史故事。博物館總樓面面積17,500平方米，常設展廳佔地7000平方米，並經常舉辦包括香港掌故等主題展覽。
常設展覽「香港故事」喺2020年10月19號開始暫停開放，以進行大規模更新工程，預計喺2022年重新開放。喺新常設展推出之前，專題展覽廳特別佈置咗「經典再現－香港故事精華展」，係之前常設展嘅濃縮版，參觀者可以重溫香港由史前時期至1997年回歸祖國嘅發展歷程，免費入場。
歷史
編輯香港歷史博物館嘅前身，係市政局響1962年成立嘅香港博物美術館，當時館址設於香港大會堂。1975年7月被分拆做香港藝術館同香港博物館。香港博物館早期曾經租用尖沙咀星光行做館址，1983年搬去九龍公園臨時館址（今日香港文物探知館館址）。隨住博物館不斷發展，舊有館址唔夠用，於是有起新館嘅需求。1995年，政府落實響尖沙咀漆咸道南香港科學館旁起永久館址，隨即開工。由1998年4月1號起改名做香港歷史博物館。1998年7月搬去香港科學館旁邊嘅現址。2001年8月，經過六年時間籌備嘅常設展「香港故事」正式開放，畀市民參觀。2020年10月19號開始，常設展「香港故事」暫停開放，搞翻新工程，預計搞兩年，當中自然歷史嗰部份唔再保留，另外加返主權移交之後頭廿年嘅歷史大事。
分館
編輯香港歷史博物館現時有5間分館，分別係：
常設展覽 - 香港故事
編輯
「香港故事」常設展覽係博物館多年嚟辛勤努力蒐集、保存同研究工作嘅總展示。成個展覽佔地7000平方米，共有8個展區，分佈於兩層展廳；通過超過4000件展品、750塊文字說明、多個立體造景同多媒體劇場，配以聲同光嘅特殊效果，栩栩如生咁介紹香港嘅自然生態、民間風俗同歷史發展。「香港故事」從四億年前嘅泥盆紀開始，以1997年香港回歸作結，內容務求雅俗共賞，趣味與教育並重。
- 展區主題
- 第一展區：自然生態環境
- 第二展區：史前時期的香港
- 第三展區：歷代發展：從漢至清朝
- 第四展區：香港的民俗
- 第五展區：鴉片戰爭及香港的割讓
- 第六展區：香港開埠及早年發展
- 第七展區：日佔時期
- 第八展區：現代都市及香港回歸
專題展覽
編輯館方會不定期舉行專題展覽，展出有關世界各地嘅歷史資料同文物，有關專題展覽嘅資料請睇香港歷史博物館-專題展覽網頁
開放時間
編輯入場費
編輯常設展覽
編輯2016年8月1號開始常設展覽免費入場。
專題展覽
編輯- 標準票：$10
- 優惠票（全日制學生、殘疾人士同一個照顧嘅人、60歲或以上高齡人士）：$5
- 團體票（20人或以上）：$7
- 博物館入場證持有人：免費
