曾華德係香港呼吸系統科醫生,曾任香港胸肺基金會主席,亦曾經喺瑪麗醫院胸肺科任職,而家係醫療集團中卓醫務主席同董事。

早年經歷及家庭 編輯

佢係藝人曾華倩阿哥[1],1979年王肇枝中學中六畢業。[2]

專業資格 編輯

  • 英國格拉斯哥大學內外全科醫學士(一級榮譽) 1986
  • 英國格拉斯哥大醫學博士(金章) 1991
  • 英國皇家內科醫學院院士 1998
  • 香港內科醫學院院士 1995
  • 英國格拉斯哥皇家醫學院內科榮授院士
  • 英國愛丁堡皇家內科醫學院榮授院士
  • 英國倫敦皇家內科醫學院榮授院士
  • 香港醫學專科學院院士(內科)
  • 香港大學李嘉誠醫學院榮譽教授
  • 東華學院榮譽教授
  • 廣州醫科大學呼吸疾病研究實驗室(國家重點實驗室)榮譽教授[2]

從醫及醫學研究生涯 編輯

曾華德曾經主力研究H5N1禽流感SARS傳染病[3]

曾華德曾經為富商林百欣、藝人沈殿霞[4]同埋馬評人董驃做主診醫生[5]。其中林百欣逝世嗰日,曾華德同埋胡興正兩個人曾經一同出席記者會交代死訊[5]。另外,曾華德視馬評人董驃為偶像[6],所以免費為董驃睇症[7]

逸聞 編輯

2011年,藝人鄧光榮去世,曾華德係8名扶靈人之一[8]

爭議事件 編輯

武漢肺炎期間 編輯

武漢肺炎疫情期間,曾華德曾經話病毒係西方社會操控,又涉及疫苗醫療失誤事件。

喺2020年2月,社交網站流傳一封由曾華德寫嘅英文信,內容指武漢肺炎引起咗好多恐慌,但市民其實唔駛驚,武漢市肺炎嘅死亡率只係2%,顯然有好多政治恐慌同埋西方勢力嘅操縱[9][10]。導演張堅庭喺社交網站反駁,指中央政府實際上採取咗唔少措施,包括自1949年以來第一次封鎖人口超過1000萬嘅城市(武漢),可見事情嚴重性,又批評曾華德身為醫務人員,唔應該將流感同冠狀病毒嘅死亡率作比較,又引述西方冠狀病毒科學家估算嘅死亡率,實際係6-8%,而武漢肺炎病毒係一種嶄新嘅病毒,唔可能由西方控制[9]

喺2021年4月,佢名下嘅中卓醫務,喺九龍灣體育館營運嘅武漢肺炎疫苗接種中心,有職員幫一名本來預約打BioNTech嘅55歲患癌外籍人士,打錯咗中國科興疫苗。事主話當初揀接種BioNTech疫苗,係因為佢接受化療同患癌會降低疫苗效用,如果接種保護率唔高嘅科興疫苗,擔心保護率所剩無幾。香港醫院藥劑師學會會長崔俊明直指事件離譜,認為最少應該向佢哋發警告[11][12]

參考 編輯

  1. KellyChu (2013-02-28). Executive日記——曾華倩育兒有方水怪威學界. https (中文). 頭條日報. 喺2020-02-04搵到.
  2. 2.0 2.1 華德教授(一九七九年校友). 王肇枝中學. 喺2020-02-04搵到.
  3.  . 蘋果日報. 2018-03-06. 原著喺2020-02-04歸檔. 喺2020-02-04搵到.
  4. 信息时报 (2006-12-06). 姐详述三度闯鬼门关经过 感悟到生命很宝贵. . 喺2020-02-04搵到.
  5. 5.0 5.1 壺書香世家 妻乃港台. 文汇报 (香港). 2013-09-23. 喺2020-02-04搵到.
  6. 正室紅顏子女爭產 董驃分定千萬身家. 東方日報 (香港). 2006-02-24. 喺2020-02-04搵到.
  7. 新闻晨报 (2006-02-24). 骠因病逝世 看完"赛马"咽下最后一口气. 新浪网. 喺2020-02-04搵到.
  8. 友超度胡興正 遺孀認屍成淚人. 東方日報 (香港). 2013-09-25. 喺2020-02-04搵到.
  9. 9.0 9.1 然刪Post華倩醫生胞兄稱武漢肺炎涉政治操縱 張堅庭逐點反擊. Apple Daily 蘋果日報 (中文). 原著喺2020-02-03歸檔. 喺2020-02-03搵到.
  10. 華倩胞兄曾華德醫生的信 指無需驚慌 現在顯然有很多政治恐慌. www.bastillepost.com. 2020-02-04. 喺2020-02-04搵到.
  11. 苗接種︱曾華倩胞兄旗下中卓醫務涉癌漢打錯科興事故 曾指武肺涉西方勢力操縱 | 蘋果日報. Apple Daily 蘋果日報 (香港中文). 原著喺2021-04-04歸檔. 喺2021-04-04搵到.
  12. 朱海棋陳嘉慧 (2021-04-04). 冠疫苗|外籍血癌漢預約復必泰去錯中心打錯科興 政府致歉. 港01 (香港中文). 喺2021-04-04搵到.