未來戰士

未來戰士（Terminator）係一系列以科幻為題材嘅跨媒體製作。故仔主要講天網（Skynet）整出嚟嘅人工智能機器，同 John Connor 為首嘅對抗組織同埋人類之間嘅戰鬥。

戲

未來戰士係由一個叫天網嘅高智慧程式所製造出嚟嘅機器，之後啲機器認為人類係最大嘅威脅，就攻擊並俘虜人類，喺嗰次攻擊之後冇事嘅人稱嗰次攻擊為審判日（Judgment day）。

T-1係由Cyber Research Systems所製造嘅第一部殲滅者，有個好似坦克嘅履帶去移動，重有副強硬嘅護甲。佢可以360度轉動同有兩個50口徑嘅機關槍。

T-600係天網用鈦合金所做嘅滲透型殲滅者，骨架比較大同笨拙。容易分辨係人定殲滅者，因為佢嘅皮膚係膠皮。多數配備高火力武器好似俾天網改良過嘅M-134機槍同榴彈發射器。

天網第一個成功嘅滲透型殲滅者，因為佢係第一個用活生化組織做皮膚嘅殲滅者。佢比T-600輕20%同大力40%，但骨架都比T-600細。

T-800嘅改良，比T-800更快同更大力，比T-800更能有效擋住等離子武器嘅攻擊。而T-850係用雙氫燃料電池嘅。

同以往嘅唔同，全身都由液態金屬（Mimetic polyalloy）做成，可以變形、變樣，變啲簡單嘢好如刀咁。遇高温（1535度）就會熔解；超低温，全身會變硬。怕等離子武器，所以唔適合上戰場。好怕強磁場。

由天網做嘅殲滅者，俾John Connor稱為Terminatrix。骨架係由可塑性晶體陶瓷裝甲、納米碳纖維同鈦合金製成。外表同T-1000一樣係由Mimetic polyalloy做成。骨架可變成各種武器，有等離子砲、火焰噴射器、電鋸等。比T-850更大力同快。