朱江瑋英文Derek Chu1976年12月20號—),係香港泛民主派人士,地區組織社區前進成員,油尖旺區議會旺角南選區前任議員,亦係位註冊社工。佢又係前街坊工友服務處成員。

朱江瑋先後讀鄧鏡波學校香港中文大學嶺南大學

喺2019年第6屆區議會選舉,朱江瑋參選油尖旺區議會旺角南選區,最後擊敗做咗34年嘅建制派元老仇振輝,成功當選;2021年9月尾,佢同胡穗珊參與2021年香港區議員宣誓,被港府裁定宣誓無效,即時冇咗區議員席位。