李從厚

李從厚（914年—934年），係後唐第三位皇帝，933年到934年在位，佢無廟號，跟諡號叫唐閔帝。

李從厚係後唐明宗李嗣源第3個仔。933年十一月，明宗過身。同年十二月，李從厚繼位做後唐皇帝。934年改用應順年號。

934年二月，李從厚調鳳翔節度使、潞王李從珂去第度，李從珂唔肯接受，李從厚派兵攻打佢，點知畀李從珂打番轉頭。喺李從珂就嚟打到京師洛陽之前，李從厚帶住少數人向東走佬，喺衛州遇到另一位節度使石敬瑭，石敬瑭見李從厚大勢已去，唔打算幫李從厚，搞到李從厚嘅手下郁手想殺石敬瑭，反而搞到李從厚嘅手下畀人殺曬。四月，李從珂進入洛陽，自己登基做皇帝，跟住搵人殺咗李從厚。