李松慶
李松慶（1952年—），人人叫佢「愛心老闆」，1986年喺香港何文田愛民邨「冬菇亭」開咗間叫明利油器粥品店嘅粥檔。響金融海嘯期間，佢每日免費派粥畀邨入面嘅老人家食，後尾俾電視台報導而出晒名，佢間粥檔都畀人叫做「愛心粥檔」[1]。
底細
編輯李松慶細個嗰陣住喺九龍城嘅天台鐵皮屋。1962年，颱風溫黛打到嚟香港，佢屋企俾颱風吹毀。好在當時小學嘅校長同同學仔幫手，籌咗90蚊畀佢一家度過難關[2]。
1986年，李松慶同屋企人為咗完成老竇嘅心願，喺何文田愛民邨「冬菇亭」頂咗間粥檔嚟做。點知1992年7月13號，冬菇亭發生咗一場大火，佢間粥檔都燒光燒淨。佢當時諗過索性執咗間粥檔，但係邨入面萍水相逢嘅校服店老闆，同埋佢一個老伙計，一齊拎咗幾十萬出嚟借畀佢應急，於是佢先裝修開返間粥檔[2]。
因為自己成日受到人家嘅恩惠，深深明白雪中送炭幾咁好，所以佢能力做得到嘅話，都一定會盡力幫人。佢嘅座右銘係「人為善，福雖未至，禍已遠離。人為惡，禍雖未至，福已遠離。」[2]。
2008年9月，「金融海嘯」爆發，佢本來同朋友夾份買的士，但係個朋友甩底，之後就接到皇冠車行通知話佢中咗「黃金大獎」，贏到價值15萬嘅金條。查實，佢幾年前已經開始半價賣粥畀幫襯粥檔嘅老人家，既然突然之間賺咗筆橫財，就索性改做每朝免費派粥。自從「免費派粥」嘅善舉傳開咗之後，唔少有心人主動捐錢或者物資畀佢支持佢，而專登嚟幫襯嘅客人都一日比一日多，粥檔生意不跌反升[2]。
2008年11月，李松慶話自從傳媒報道佢間粥檔免費派粥畀老人家之後，每日都吸引咗大批市民嚟幫襯，令佢鋪頭多咗好多生意。雖然粥檔已經請多咗人手，但係仍然搞唔掂；李松慶重病埋，連佢老婆都因工受傷。但係喺辛苦背後，有街坊質疑佢做嘅嘢，重話佢賣嘅白粥得七成滿，但係派嘅粥就滿到瀉，暗指佢只靠賺客人錢派粥，唔係真正自掏腰包。佢對呢啲閒言閒語非常唔服氣，決定要暫停開鋪，等自己同老婆「停一停，抖一抖」[3]。抖咗個幾月之後，粥檔響2009年1月頭重新開返，重繼續免費派粥畀老人家；休息嗰陣，佢租埋隔離嘅吉舖[4]。
新聞
編輯- 2009年2月，粥檔逆市加價令一啲街坊唔滿意；李松慶解釋粥檔已經四年冇加過價，但係來貨成本上漲咗好多，例如食油來價就升咗成倍，所以所有食品都要加價1蚊[6]。
- 2010年10月17號，響亞洲電視搞嘅《2010年度第一屆感動香港十大人物頒獎禮》，榮獲「感動香港十大人物」之一[7]。
參考
編輯- ↑ 〈粥檔老闆免費為獨居長者烹調「愛心粥」〉。亞洲電視今日新聞。2010-8-5。原著喺2010-08-07歸檔。喺2010-11-15搵到。
{{cite news}}: Check date values in:|date=(help) - ↑ 2.0 2.1 2.2 2.3 〈不怕蝕底 李松慶〉。《東周刊》296期 Book A 【香港打不死】。2009-4-28。喺2010-11-15搵到。
{{cite news}}: Check date values in:|date=(help) - ↑ 〈身心俱疲捱到病 太太也因工受傷〉。《蘋果日報》。2008-11-23。
{{cite news}}:|access-date=requires|url=(help); Cite has empty unknown parameter:|1=(help) - ↑ 〈月初復業 善心人捐款仍剩三萬餘 愛心粥檔歲晚加派利是〉。《蘋果日報》。2009-1-24。原著喺2020-03-27歸檔。喺2010-11-15搵到。
{{cite news}}: Check date values in:|date=(help) - ↑ 〈愛心粥檔獲領匯租金優惠〉。《蘋果日報》。2008-10-29。原著喺2020-03-27歸檔。喺2010-11-15搵到。
- ↑ 〈愛心粥加價 檔主萌去意〉。《明報》。2009-2-5。原著喺2009-02-08歸檔。喺2010-11-15搵到。
{{cite news}}: Check date values in:|date=(help) - ↑ 〈《2010年度第一屆感動香港十大人物頒獎禮》網站〉。原著喺2011年9月6號歸檔。喺2010年11月17號搵到。