東方紅藥業

東方紅藥業係香港一間中藥企業集團公司，1971年開張，靠開舖賣藥材蔘茸海味起家，之後搞埋生產業務。

東方紅藥業觀塘分號

到1994年，創辦人陳學良將控制權賣咗畀炒家馮國保，短短幾個月之後，馮氏又將東方紅賣畀同佢相熟，人稱「神童輝」嘅羅兆輝，成為新股東，但1997年嘅金融風暴令到羅兆輝投資失利，最後將東方紅賣畀「殼王」陳國強。

經過幾次轉手之後，依家嘅東方紅係俊文寶石全資嘅附屬公司，俊文寶石嘅大股東係同陳國強友好嘅葉家海。

碎料

• 羅兆輝入主東方紅之後，曾經請到老死劉鑾雄嘅女朋友李嘉欣遠赴埃及同捷克等國家拍廣告，非常揼本。