桂名揚

桂名揚（1902年—1958年6月15號）原名桂銘揚，廣東南海人，係粵劇演員，人稱「金牌小武」。首本戲《趙子龍》、《火燒阿房宮》、《皇姑嫁何人》、《狄青三取珍珠旗》、《冷面皇夫》、《冰山火線》。桂氏時常武戲文做，仲首創「鑼邊花」。技藝自成一派，學界稱爲「桂派」。門下弟子有梁蔭棠、盧海天。

桂名揚
出生日	1909年
死亡日	1958年6月15號
死因	心血管病
國籍	香港
職業	opera singer
[改維基數據]

生平

桂名揚11歲就拜「優天影」班嘅男花旦潘漢池為師，後尾跟住崩牙成去南洋做大戲，做小武。由南洋翻來之後，入「真相」劇社，宣傳革命。省港大罷工嗰時，入「重樂樂」劇社，同工人義演籌錢。又入「大羅天」劇團做三幫小武，跟馬師曾、曾三多、靚少華、陳非儂學藝。「大羅天」散班，去美國三藩市登台演趙子龍，睇到啲觀眾歡喜，仲攞埋金牌，所以佢有個朵叫「金牌小武」。由美國翻來，組「日月星」劇團，同陳錦棠、廖俠懷、李翠芳、鍾卓芳拍檔。 40年代尾，喺香港同馬師曾、紅線女、馮鏡華、石燕子組「大三元」劇團；收尾又同廖俠懷、白玉堂、羅麗娟、鄭碧影、石燕子組「寶豐」劇團，做文武生。1952年，喺省城演咗一個月，入「紅星」劇團， 同衛少芳、譚玉真、朱少秋、綠衣郎拍檔。後來兩隻耳都聾嗮，就無再做戲。 1957年10月，入廣東粵劇團做藝術指導。

連出去

• 桂名揚喺香港影庫嘅資料（香港繁體）
• 桂名揚喺互聯網電影資料庫嘅資料（英文）