桃花源小廚，嚮香港上環蘇杭街93號，即係老字號源吉林茶老鋪對面。《米芝蓮指南香港澳門2009》描述，桃花源雖然嚮一條簡陋街道，鋪頭細，只得6張枱客人，坐椅係膠人造皮。不過嘢食用料新鮮，廚師姓黎，海鮮、湯羹、杏仁茶都值得推介。不過，米芝蓮未有介紹桃花源小廚原來有魚翅供應。
嚮《米芝蓮指南》入面，上環桃花源小廚係評級為「一星食府」，同中環鏞記、尖沙嘴利苑酒家等，係同一星級嘅。
桃花源小廚每星期淨做6日生意，只做午餐同晚飯兩更，夜晚10:30打烊，星期日休息。
澳門店嚮葡京酒店裏面，裝修比香港上環店豪華光亮好多。嚮2008年出版嘅《米芝蓮指南》港澳版，都一樣得到二星評級。
