梁志祥
梁志祥，SBS，BBS，MH，JP（Leung Che Cheung，1957年12月3號—），係香港立法會議員（新界西選區，第五、六屆）、元朗區議會前議員（天耀選區），亦係民建聯成員。
| 梁志祥 | |
|---|---|
 | |
| 出生日 | 1957年12月3號  （66歲） |
| 出生地 | 香港 |
| 國籍 | 中華人民共和國 |
| 母校 | 漢華中學 |
| 職業 | 太平紳士 |
| 政黨 | 民主建港協進聯盟 |
[改維基數據] | |
政途
編輯早喺1994年，梁志祥就已經參加區議會選舉，出戰元朗區議會（耀祐選區），第一次參選就擊敗民主黨嘅張賢登，隨後嘅1999年佢就自動當選。
2003年，梁志祥同黨友黃祥光喺第2屆香港區議會選舉互調選區，爭取連任，結果梁志祥喺天耀選區贏咗，而黃祥光就喺慈祐選區輸畀陳美蓮。
隨後喺2007年、2011年、2015年，梁志祥參選元朗區議會（天耀選區）嘅換屆選舉，亦能成功冧莊。喺2012年第5屆香港立法會選舉、2016年第6屆香港立法會選舉，梁志祥擔大旗參選新界西選區，結果連續兩屆當選立法會議員。
喺2016年，佢有份提名林鄭月娥參與2017年香港行政長官選舉[1]。
佢喺2019年第6屆香港區議會選舉唔再連任區議員，原本諗住交畀司徒駿軒接手，但司徒駿軒嘅選情受制於香港修例風波，唔夠街工嘅何惠彬鬥，輸咗選舉。
喺2021年9月，佢成為香港特别行政區選舉委員會委員(港區全國政協委員)[2]。2022年，佢喺李家超無提政綱嘅情況下，有份提名李家超參與2022年香港行政長官選舉[3]。
事件
編輯提議限制同剝奪市民重選自己區議會代表嘅權利
編輯喺2021年，北京未經香港人同意，強行通過《香港國安法》之後，政府要求區議員對《基本法》宣誓，外間就關注，有唔少泛民主派嘅民選議員會唔會畀政府剝奪資格，引伸區議會議席懸空。一般嚟講，議席懸空之後政府都會盡快安排補選，但梁志祥就話唔畀有關選民喺補選再投票選出自己嘅代表，話唔好補選，用政府委任非民選嘅分區委員會擔當過渡性諮詢嘅角色[4]。
個人榮譽
編輯部分公職
編輯攷
編輯- ↑ 〈林鄭提名名單 - 香港文匯報〉。paper.wenweipo.com。喺2024-03-30搵到。
- ↑ 〈一文睇清1448名新選委全名單〉。《香港文匯網》 (中文)。喺2022-08-11搵到。
- ↑ 〈一文看清李家超786張提名〉。《信報網站 hkej.com》。喺2022-09-02搵到。
- ↑ 〈周浩鼎促區議員盡快宣誓以正本清源 梁志祥：大規模DQ亦不需補選〉。《頭條日報》 (繁體中文)。喺2021-06-16搵到。
- ↑ 〈二〇〇三年授勳名單〉 (新聞稿) (繁體中文)。香港政府新聞公報。2003年7月1號。
- ↑ 〈2008年第30號號外公告 太平紳士條例 (第510章)〉 (PDF) (新聞稿) (繁體中文)。香港政府憲報。2008年7月1號。
- ↑ 〈二〇一一年授勳名單〉 (新聞稿) (繁體中文)。香港政府新聞公報。2011年7月1號。
- ↑ 〈二〇一七年授勳名單 附件：二〇一七年獲授勳銜及嘉獎人士的嘉許語〉 (PDF) (新聞稿) (繁體中文)。香港政府新聞公報。2017年6月30號。頁 10。
- ↑ 〈兩會｜這些港區全國人大代表和政協委員赴京參會（附名單）〉。《大公文匯網》 (中文)。喺2024-03-18搵到。
出面網頁
編輯
- 〈香港特別行政區立法會 - 議員資料庫〉 (繁體中文)。香港特別行政區立法會。
- 人大、政協 | NPC & CPPCC，民建聯