梅樹坑
梅樹坑，香港一村，亦係一地，喺大埔北面，林村河邊，英文寫Mui Shue Hang。村地、田地沿林村河，都幾長下，如今大多變成梅樹坑遊樂場、大埔太和路、吐露港公路。只淨低東南一角谷中，由梅樹坑遊樂場中間入。
梅樹坑位處社山東側，村村河西側。喺石鼓壟之北，大埔頭水圍之西，三渡坑之南。由於林村河喺三渡坑，畀尼龍壩截水，人工河道好大，然而平日只一條坑嘅水。河道用來防止因暴雨洪水暴發而建。
屋宇
編輯
現時梅樹坑屋宇唔多，南端有般若精舍，北啲有常寂園，喺梅樹坑遊樂場南便山邊。梅樹坑遊樂場中間有條坑，有路帶上谷地，為現存村地。當中有旭輝園。而梅樹坑遊樂場靠北，設有公廁。
交通
編輯唔計高速公路，入梅樹坑都要經梅樹坑遊樂場，一般車係唔畀駛入。若要行車，都會經錦山路入錦石新村，喺石鼓壟前面停車場，轉入般若精舍條路，駛入林村河邊行人路入。
反而過咗林村河，有條梅樹坑路，北便駁住大埔公路大窩段，南便駁通大埔頭水圍路。雖然叫梅樹坑路，按村而言，會視為大埔頭，而非梅樹坑。
梅樹坑有四橋過林村河。由南數起，一喺大埔頭水圍路過，近帝欣苑，入梅樹坑遊樂場。二三喺梅樹坑路嗰邊，過人工河道江心洲，入梅樹坑遊樂場。四喺公廁嗰邊，駁大埔公路。不過橋窄，下有大水管，唔開畀公眾用。另外側邊有堰，通去梅樹坑觀景臺底。