三渡坑

三渡坑，香港一地，喺新界大埔，林村河邊，英文Sam To Hang。三渡坑喺康樂園西南，較寮下之東，梅樹坑之北，有大埔頭原水抽水站，隔河為大埔公路大窩段，西便有吐露港公路天橋。社山東北一脊，亦盡於三渡坑。

隔林村河見三渡坑。中為大埔頭原水抽水站

三渡坑之北，隔河望入三渡坑

交通

三渡坑巴士站，就喺快樂亭側邊

三渡坑可由大埔公路入，有條馬路天橋過林村河。或者由石蓮路，經大埔濾水廠馬路入。不過兩者都係私家路，唔開畀公眾用。另有兩條行人天橋過林村河。三渡坑巴士站，喺大埔公路快樂亭側邊。

大埔公路依段有單車徑，起自大埔頭帝欣苑，可以踩入林村或者大窩。

名

三渡坑本義不明。香港普遍叫河涌做坑，故此坑指林村河。水淺時，林村河行得過，可為渡口。然而暴雨過後，水漲水急就難過，故此後人建石橋往大埔舊墟。

史

三渡坑原本係田地，西便大埔公路一條石橋過河，北便有堰，閘水耕田。田地種稻為主。

後來石橋因水務建設而沒。

水

三渡坑南嘅尼龍壩

三渡坑今下為水務署供水重地。林村河嘅水，會抽入輸水隧道，輸去船灣淡水湖。故此有尼龍壩，閘住林村河啲。

攷

• 〈三渡橋謎題考（1）〉。
• 〈三渡橋謎題考（2）〉。
• 〈三渡橋謎題考（3）〉。
• 〈三渡橋謎題考（4）〉。
• 〈三渡橋謎題考（5）〉。
• 〈三渡橋謎題考（6）〉。