梨本宮守脩親王
梨本宮守脩親王（日文：なしもとのみや もりおさしんのう、1819年12月16號—1881年9月1號）係梨本宮初代當主，乳名萬代宮，同時係伏見宮貞敬親王第十仔、伏見宮邦家親王細佬。
經歷
編輯守脩親王響1819年出世，係貞敬親王第十仔。
1833年，守脩親王親王宣下，同年九月響圓滿院正式出家，改叫覺諄入道親王。1856年，佢升為二品。1859年，守脩親王改為入圓融院門下嘅梶井門跡，仲改名叫昌仁入道親王，同年成為天台座主。
響明治維新之後，佢唔再做和尚，返翻嚟做皇室成員，改叫梶井宮守脩親王。1869年，佢出任上野太守。響1870年，佢獲明治天皇下賜宮號梨本宮，成為初代當主。
1881年，守脩親王過身，終年六十三歲。死後由養仔菊麿王繼任當主一位。
屋企
編輯老豆：伏見宮貞敬親王
阿媽：唔知
兄弟姐妹：大佬伏見宮邦家親王---二哥尊寶法親王---四哥尊誠法親王---八哥尊常法親王（除咗大佬邦家親王，其他兄弟唔係早死就係做嗮和尚，尊寶法親王、尊誠法親王、尊常法親王都係和尚）
- 養仔：菊麿王（即後嚟嘅山階宮菊麿王）