山階宮菊麿王
山階宮菊麿王（日文：やましなのみや きくまろおう、1873年7月3號—1908年5月2號）係山階宮、梨本宮嘅第二代當主，老豆係山階宮晃親王，佢同時係海軍軍人，最高階位係海軍大佐大勳位功四級。
經歷
編輯1873年，菊麿王響京都府出世，係晃親王獨仔（上有契大佬定麿王），阿媽係妾侍中條千枝子。
1874年，只有一歲嘅菊麿王過繼畀梨本宮守脩親王，1881年守脩親王過身之後就繼任梨本宮當主一位。而響1885年，契大佬定麿王正式過繼畀生唔到仔嘅七叔小松宮彰仁親王，換言之定麿王唔再係晃親王個契仔，所以菊麿王就返翻嚟山階宮（個時佢未係山階宮當主），而梨本宮當主一位就由堂細佬守正王接任。
響1892年，佢成為海軍少尉候補生，第二年獲授勳一等旭日桐花大綬章。1895年，菊麿王同九條道孝個女範子結婚。1898年，老豆晃親王過身，佢正式繼任山階宮當主一位，而同年大仔武彥王出世。之後，佢先後擔任「磐手」、「八雲」嘅分隊長同埋軍令部第一局員。1901年，範子過身，響第二年菊麿王就同島津忠義個女常子結婚，同年開山階宮筑波山研究所。1905年，菊麿王參加日俄戰爭。
響1908年5月2號，菊麿王因急性肺炎而過身，終年三十四歲，同日獲追封為海軍大佐。死後，山階宮當主一位由大仔武彥王接任，而由佢開嘅山階宮筑波山研究所就改為筑波山神社・筑波大學計算科學研究中央共同氣象研究所。
屋企
編輯老豆：山階宮晃親王
阿媽：妾侍中條千枝子
契父：梨本宮守脩親王
兄弟姐妹：契大佬定麿王
第一任老婆：範子
第二任老婆：常子
拎
編輯Wayback Machine嘅『親王・諸王略傳』［菊麿王］
| 上一任 山階宮晃親王 |
山階宮 1898年 - 1908年 |
下一任 山階宮武彥王 |
| 上一任 梨本宮守脩親王 |
梨本宮 1881年 - 1885年 |
下一任 梨本宮守正王 |