椰撻

椰撻係香港嘅一種餡餅，同蛋撻非常相似，都係小圓盆狀嘅餅皮，但餡料就係砂糖同椰絲，令椰撻內層充滿椰子嘅香味，而撻面往往會有一粒扁咗嘅車厘子。同蛋撻嘅另一個分別，就係椰撻只會用牛油撻皮而唔會用酥皮撻皮。

椰撻

椰撻喺昔日香港嘅餅店流行。不過，由於椰撻嘅口感比唔上蛋撻，所以重有賣椰撻嘅餅店經已買少見少。