楊官璘
楊官璘（粵拼：joeng4 gun1 leon4；1925年5月29號—2008年1月4號）係中國大陸嘅象棋手兼中國象棋嘅一代宗師，廣東東莞人。佢既係中國大陸第一位中國象棋全國冠軍，又係第一位中國象棋特級大師同國家級教練。
| 個人資料 | |
|---|---|
| 出世 | 1925年5月29號 中國廣東東莞 |
| 死 | 2008年1月4號（82歲） 中國廣東廣州 |
| 運動 | |
| 國家/地區 |  中華人民共和國 |
| 運動 | 象棋 |
| 項 | 中國象棋 |
佢在世期間，曾經做過中國象棋協會副主席、廣東省棋協副主席，廣東省政協委員等職位。
生平 編輯
楊官璘喺1925年5月29號喺廣東東莞出世，6歲嗰時因為成日捉棋而喺鳳崗一帶出名。1956～1959年去到廣州嘅文化公園做嘢，期間攞過中國大陸第一個中國象棋賽冠軍、做過《象棋》嘅月刊主編、重加入過中國共產黨，之後亦攞過3次中國大陸嘅中國象棋賽冠軍。1977年喺中菲馬港四國嘅中國象棋名手邀請賽入面又攞咗冠軍。1987年攞過健力士盃中國象棋賽國際名手邀請賽嘅冠軍後，同年亦宣佈退役。佢退役之後開始介紹中國象棋嘅棋藝同培養後代。