楊茜堯
提示：呢篇文講嘅唔係湯怡。楊茜堯（英文：Tavia Yeung Sin Yiu，1979年8月30號—），原名楊怡（英文：Tavia Yeung Yi），係香港女演員，鄉下喺廣東湛江，係無綫電視前藝員。楊怡憑住劇集《智勇新警界》喺《2003年度萬千星輝賀台慶》贏到「本年度我最喜愛的飛躍進步女藝員」，之後又憑住劇集《宮心計》喺《2009年度萬千星輝頒獎典禮》贏到「我最喜愛的電視女角色」。
| 楊茜堯 | |||||||
|---|---|---|---|---|---|---|---|
 | |||||||
| 女演員 | |||||||
| 原名 | 楊怡 | ||||||
| 英文名 | Tavia Yeung | ||||||
| 國籍 |  中國（香港） | ||||||
| 民族 | 漢族 | ||||||
| 籍貫 | 廣東省湛江市赤坎區 | ||||||
| 出世 | 1979年8月30號.svg){kind=small} 英屬香港[1] | ||||||
| 屋企 | 香港新界大埔[2] | ||||||
| 職業 | 演員 | ||||||
| 語言 | 粵語、英文、普通話 | ||||||
| 教育程度 | 中學五年級 | ||||||
| 母校 | 中華基督教會基覺小學 潮州會館中學 | ||||||
| 配偶 | 羅子溢（2016年結婚） | ||||||
| 仔女 | 1女1仔 | ||||||
| 屋企人 | 家姐：楊卓娜 姐夫：楊志翹 | ||||||
| 出道地 | 香港 | ||||||
| 代表作品 | 《大唐雙龍傳》 《溏心風暴之家好月圓》 《宮心計》 《談情說案》 《On Call 36小時》系列 | ||||||
| 活躍年代 | 1999年— | ||||||
| 經紀公司 | 無綫電視（1999年到2016年） | ||||||
| 網路電影資料庫（IMDb）資訊 | |||||||
| |||||||
簡歷 編輯
楊怡自細喺沙田沙角邨同馬鞍山恆安邨度大。家姐楊卓娜（原名楊娜）都係無綫電視藝員。中學喺馬鞍山潮州會館中學讀，直到1999年中五畢業之後，就入咗無綫電視第13期無綫電視藝員訓練班[3]。
訓練班畢業之後，佢試過喺《萬千星輝賀台慶》入面做歡樂小姐，同埋喺幾套電視劇入面做茄喱啡。第一次拍電視劇，就係喺《狀王宋世傑》入面做一個冇對白嘅師姑。去到2001年，因為佢個樣好似當時無綫嘅一線花旦張可頤，於是監製就被安排佢喺《婚前昏後》入面做佢個妹孫慶欣，觀眾先開始留意佢[3][4]。
2003年，入咗行4年嘅楊怡終於憑住《智勇新警界》入面嘅「wet妹」角色溫嘉莉贏咗當年嘅「我最喜愛的飛躍進步女新人獎」。之後，佢有得喺《大唐雙龍傳》、《學警雄心》、《滙通天下》、《賭場風雲》、《溏心風暴》同《建築有情天》等等嘅電視劇演出。
到咗2008年，楊怡喺《溏心風暴之家好月圓》中演「攞女」孫皓月一角[5]，憑住呢套劇攞到2008年度萬千星輝頒獎典禮「最佳女配角」。第二年，楊怡喺古裝劇《宮心計》入面第一次演反角姚金鈴[6]，重成為2009年度萬千星輝頒獎典禮「最佳女主角」大熱門之一。
喺2009年度萬千星輝頒獎典禮，楊怡就憑住《宮心計》中姚金鈴一角，攞到「我最喜愛的電視女角色」，同時重贏埋無綫頒出嘅「最佳表現獎」。但係，頒獎典禮之後，有啲網民認為楊怡冇資格攞「我最喜愛的電視女角色」，惹嚟一啲Fans狂插賽果唔公平[7]。
代言產品 編輯
- 2010年－2013年：《2B Alternative香港代言人》
同其他藝人關係 編輯
胡定欣 編輯
兩人曾經被指不和，事緣喺《萬千星輝頒獎典禮2010》嘅時候，鏡頭咁啱影到楊怡疑似用肩撞兼藐爆身旁嘅胡定欣，楊怡刻意擰轉背唔望定欣，只顧同另一邊嘅徐子珊傾偈，隨即傳出兩人其實已不和多年，亦有真係因為為咗吳卓羲爭風呷醋。不過，二人先後都喺社交媒體表示大家並無不和，之後喺一啲公開場合二人都有合照[9][10]。
參考資料 編輯
- ↑ 眾星相 互聯網檔案館嘅歸檔，歸檔日期2017年7月5號，.，頭條日報 頭條網 - 娛樂
- ↑ 〈與楊怡結婚4年傳出好消息 羅仲謙報喜：預產期5月〉. 原先內容歸檔喺2021-01-29. 喺2021-01-23搵到.
- ↑ 3.0 3.1 〈面對面：有味白開水 楊怡《Face》2009年12月16號。〉. 原著喺2014年3月22號歸檔. 喺2011年6月30號搵到.
- ↑ 豪語錄：To be, or not to be 楊怡，《壹週刊》2008年10月9號
- ↑ 楊怡「攞女」帶挈賺首期，Yahoo!新聞。2008年9月13日，娛樂新聞。
- ↑ 楊怡爭視后阿佘被拋離，太陽報。2009年11月30號，娛樂新聞。
- ↑ 「無綫捨阿佘谷新寵上位楊怡戲渣奪兩獎不服眾」 互聯網檔案館嘅歸檔，歸檔日期2010年4月3號，.，蘋果日報 2009年12月6號
- ↑ 羅仲謙楊怡夫婦齊改名 網民嫌難讀：唔改好過改
- ↑ 〈有傳當年楊怡和胡定欣為吳卓羲爭風呷醋，此刻三人在「香蔓蕾璀璨星光匯Exclusive Party」上開心合照，以行動粉碎不和，阿怡十月二日結婚，還邀定欣去飲，作為兄弟團一員的Ron亦已準備接招，助新郎羅仲謙娶得美人歸。〉. 《明周娛樂》 (香港中文). 喺2023-02-07搵到.
- ↑ 張嘉敏 (2018-10-25). 〈楊怡同胡定欣8年前曾經傳不和 用肩撞加藐爆gif成為經典〉. 《香港01》 (香港中文). 喺2023-02-07搵到.
出面網頁 編輯
- 楊怡喺香港影庫嘅資料（香港繁體）
- 楊茜堯喺互聯網電影資料庫嘅資料（英文）
- 楊怡喺中文電影資料庫嘅資料
- 杨怡喺豆瓣電影嘅資料（簡體中文）
- 杨怡喺時光網嘅資料（大陸簡體）
- 香港網絡大典：楊怡
- 楊怡Tavia Yeung嘅facebook頁
- 楊怡Tavia Yeung嘅Instagram頁
- 楊怡TaviaYeung嘅新浪微博
- 楊怡個人網站 TaviaYeunG.com
- 楊怡國際總站 怡居