樋屋奇應丸
樋屋奇應丸係日本兒科藥，由樋屋製藥造，對細路消化不良、肚痾、夜睡不寧有功效。樋屋奇應丸話自己1630年代開始出現，有近380年製造史，由人蔘、熊膽、沉香、麝香同牛黃等中藥提煉成。
呢隻藥丸電視廣告歌響日本同香港好多人識。香港廣告歌歌詞用粵語寫，陳汝松作詞。廣告歌響1980到1990年代經常響香港電視播，畫面係健康BB邊笑邊爬，廣告歌用響亮女聲唱「醫病兼補益，樋屋雙重療效，好使好用三百幾年，家家傳誦，BB肚痾、嘔奶、消化不良，感冒傷風、夜睡不寧、神經緊張，咁就要快食樋屋、樋屋，樋屋奇應丸！」。最後以資深配音員周永坤一句：「樋屋奇應丸係療效顯著有固本培元嘅家庭良藥，有佢看門口您就可以安寢無憂」作結。1993年之後播嘅廣告版本已經無咗旁白得返隻歌，時至今日呢個廣告偶然都會喺電視播。2010年，樋屋奇應丸因為寧神丸而轉曬成隻廣告歌，由陳汝松歌詞加女聲變成新歌詞加男女合唱「寧神，樋屋減壓寧神。勞累、緊張、瞓唔好，體虛氣弱、心浮躁；腸胃不適、傷風感冒，樋屋醫病補身好。三百幾年，銀粒醫小寶，金粒大人齊讚好！樋屋，樋屋，樋屋奇應丸。」