模擬訊號mou4 ji5 seon3 hou6英文analog signal,當中 analog 可以粵化做粵拼en1 naa1 lok4)係喺時域上數學形式係連續函數訊號,同數碼訊號相對,訊號處理技術比較簡單,但就好易畀雜訊影響到。

概念 編輯

 
一個任天堂 Switch手掣;手掣上面有好多個掣同搖桿,等玩家手指嘅活動俾輸入。
睇埋:訊號

一個模擬訊號數值係連續(continuous)嘅,即係話搵是但兩個可能數值,嗰兩個數值之間都實會有一啲可能數值(小數點後嘅位理論上可以無限加)-即係同某啲物理量「相模擬」(analogous)。模擬訊號係相對於數碼訊號嘅做法[1]

舉個例說明,想像一部遊戲機控制器:喺一個典型嘅廿一世紀初遊戲控制器上面,個控制器會有若干個掣同若干碌搖桿;個控制器會以某啲方式接駁住部遊戲機,係噉傳訊號去部機嗰度,話俾部機知玩家「撳咗邊個掣」;一個掣所傳嘅訊號係數碼訊號-一個掣傳嘅訊號得嗰兩可能數值,撳咗(1)同冇撳(0);相比之下,一碌搖桿所傳嘅就係模擬訊號-是但攞碌搖桿嚟睇,設    做碌搖桿嘅坐標,理論上,   嘅數值可以喺小數點後有幾多個位都得嘅,碌搖桿傳嘅電訊號「模擬」咗碌搖桿嘅位置[註 1]。然後個遊戲程式就可以跟呢樣資訊嚟行事,例如(以下係簡化嘅虛擬碼):

 if 玩家撳咗對應「跳」嗰個掣,
   玩家角色z 咁多嘅速度向上郁;
 玩家角色沿 X 軸嘅速度 +=  
 玩家角色沿 Y 軸嘅速度 +=  

同數碼訊號比起嚟,模擬訊號有好有唔好:原則上,一個模擬訊號有無限個可能數值(1, 1.001, 1.0001, 1.00001...),喺一個完美-冇雜音呢啲噉嘅撈絞嘢-嘅世界當中,一個個別嘅模擬訊號可以傳極大量嘅資訊,而一個個別數碼訊號因為可能數值有限,所以傳到嘅資訊量都有限;不過現實係唔完美嘅,一個訊號嘅物理數值實會因為干擾等嘅原因而走樣,所以一個模擬訊號基本上實係唔完全準嘅-呢點搞到模擬訊號唔能夠用於某啲(要求極高準確性嘅)醫療或者科研用途。

睇埋 編輯

註釋 編輯

  1. 不過喺實際應用上,因為電腦記憶體嘅能力所限,部遊戲機嘅電腦可以記到嘅數「可以有幾多個位」都會係有限嘅。

編輯

  1. Biolek, D., Senani, R., Biolkova, V., & Kolka, Z. (2008). Active elements for analog signal processing: classification, review, and new proposals. Radioengineering, 17(4), 15-32.