目錄或者檔案目錄（英文：catalogue、directory 或者 folder）喺電腦科學同相關領域，係指喺電腦嘅檔案系統入面，記錄住每一個電腦檔案嘅名同位置嘅目錄，亦可能會記錄其他相關嘅中繼資料，例如檔案大細、權限等等。
比較簡單嘅檔案系統可以淨得一個目錄，但係比較複雜嘅檔案系統可以有多過一個，喺爾種系統，目錄本身亦都係一種檔案，所以目錄入面可以擺目錄，所以任何一個目錄通常唔會有齊所有檔案嘅紀錄。
喺圖像用家介面，因為檔案目錄係用來裝文件，所以比喻咗佢做一個快勞夾，所以叫做 folder，亦所以佢嘅圖示係一個快勞夾。
