檸檬利賓納，通常簡稱檸賓，係一種香港嘢飲，做法係將檸檬片加入一杯利賓納度。喺少數情況（例如：紙包飲品）下，亦會被叫做檸檬黑加侖子，避免幫利賓納做宣傳。
呢種嘢飲喺2007年先由利賓納嘅廠商葛蘭素史克發明嘅，但事實上喺葛蘭素史克對外宣佈「發明」檸檬利賓納之前，檸賓已經作為檸檬茶嘅變種喺香港一啲茶餐廳流行起來。葛蘭素史克只係睇到市場嘅需要而給畀佢嘅官方地位，情況同檸檬可樂相似。
