正多邊形係一種多邊形,條條一樣長,隻隻一樣大。最少邊嘅一種係等邊三角形,之後到正方形正五邊形正六邊形,如此類推。固定周界之下,邊數趨向無限,就會變成圓形;固定邊長之下,邊數趨向無限,就會變成正無限邊形。狹義嚟講,正多邊形淨係指簡單多邊形,邊唔會穿過自己,角全部凸出。廣義嚟講,正多邊形嘅邊可以穿過自己,變到帶凹位嘅星形咁,例如係正五角星

正多邊形有對稱嘅特性,有軸對稱,亦都有旋轉對稱,以抽象代數嘅語言嚟講,正n-邊形嘅對稱羣係二面體羣

一般都唔會當正一邊形正二邊形做正多邊形。