歸納問題粵拼gwai1 laap6 man6 tai4英文problem of induction)係知識論科學哲學上嘅一條大問題,問題重點係:

齋靠由過往觀察度歸納出嚟嘅陳述,可唔可以算得上係『知識』?

背景

睇埋:知識論科學哲學同埋黑天鵝

歸納(inductive reasoning)係現代科學嘅根基:科學家係靠一路噉做實驗觀察,並且由呢啲實驗觀察度推導出普遍嘅定律-例如牛頓觀察到包括蘋果在內嘅好多嘢(一大拃觀察)都會向下跌,就提出萬有引力嘅諗頭(普遍定律)嚟解釋研究緊嘅現象;不過佢始終都冇辦法去真係「證明」呢個宇宙入面真係所有嘢都會跟萬有引力-可能喺宇宙嘅某啲黑暗角落度會有啲冇引力嘅嘢,只係人類仲未搵到;科學家靠嘅係實驗同觀察,佢哋冇辦法好似數學家噉真係吓吓都證明佢哋講嘅嘢,頂櫳係可以靠住重複做實驗同觀察嚟加強自己嘅論證,但始終係冇方法排除一個可能性:呢個宇宙入面可能真係有啲嘢係唔跟佢哋諗出嚟嗰啲定律嘅,只係佢哋未搵到呢啲嘢[1][2]

想像下圖:  表示宇宙入面一切嘅現象,  表示人類觀察得到嘅現象,而   表示宇宙當中人類觀察唔到嘅現象。原則上,  永遠會細過   一大截,所以難保   裏面唔會有啲「唔跟從人類嘅科學定律,但人類唔知佢哋存在」嘅事物。

於是有唔少哲學家就產生咗個疑問:到底呢啲靠過往經驗嚟得到嘅知識算唔算真係知識[註 1]

註釋

  1. 再講,「知識」呢隻詞要點定義又係一條大問題

睇埋

  1. Sextus Empiricus, Outlines of Pyrrhonism. Trans. R.G. Bury, Harvard University Press, Cambridge, Massachusetts, 1933, p. 283.
  2. Arthur, W. B. (1994). Inductive reasoning and bounded rationality. The American economic review, 84(2), 406-411.