水牛嶺

  提示：呢篇文講嘅唔係水牛山。

水牛嶺（英文：Shui Ngau Ling），香港一山，喺元朗西部，青山公路屏山段以南，水邊村西南後山。雖則叫嶺，查實唔高，三十米有多。如今佔大部份做元朗公園，山頂則起咗百鳥塔。以山為名，當地人叫公園做水牛嶺公園，而原名元朗市鎮公園，就近兩個遊樂場留有舊名。

右邊山林為水牛嶺

水牛嶺上百鳥塔

山上曾有水牛嶺平房區，安置水浸災民，比利時王國捐錢起。原有日晷儀，至今只見下面紀念石碑四面。

當今山腰低處，起有環廻之道，北半公園北路，南半公園南路。

布局

布局而言，環廻道內，大部份為元朗公園。西北處有香港童軍總會元朗西區總部。總部南有墓地，有原居民葬山同金塔。中部東南方，亦有水牛嶺義塚，葬有 二次大戰抗日而死嘅人。西南有兩校，一者保良局羅氏信託學校，二者元朗公立中學。東南一校，路德會西門英才中學。

道外，東北有水邊村同協怡山莊。北有市鎮公園北兒童遊樂場，以及博愛醫院元朗商會極限運動場。西北有御豪山莊，西南御景園。兩處西側為山腳大渠邊，有山下路。南有市鎮公園南遊樂場，以及藝典居。東南有翠韻華庭、元朗公立中學校友會小學、同埋華翠豪園。東有元朗游泳池、元朗大球場。

原居民墓地

水牛嶺西側山腰，有風水穴，叫做犀牛望角。風水咁好，有四大墳，分屬屏山鄧氏、水邊村黃氏、馬田村黃氏，同埋上璋圍鄧門張氏。除咗大墳之外，攞咗無數金塔，原居民骨殖地。

另外亦東便亦有零散墓地。

舊時

地理

未大興土木之前，水牛嶺立於元朗平原，四圍稻田環繞。水牛嶺有主峯，北有副峯。嶺西有水北流，轉西經水邊村匯入后海灣。舊時好近海，再古時為海中洲。

菠蘿

舊日除咗山林之外，水牛嶺西側種菠蘿。

亂葬崗傳說

百鳥塔

傳聞日本佔領元朗時，水牛嶺山頭為刑場兼亂葬崗，甚為猛鬼。故日後起公園，設七層塔，即百鳥塔，八角如八卦，鎮住怨魂。

水牛嶺義塚

一九五六年，博愛醫院籌建公墓，葬有二百名無人處理英魂，醫院值理會定期拜祭。碑文為

「

一九五六年三月　吉旦 二次世界大戰殉難同胞公墓 博愛醫院董事局同寅敬立

」

兩邊有對聯寫

「

捐軀赴國難英雄 視死忽如歸烈士

」

水牛嶺平房區

一九六一年，水牛嶺平房區揭幕，比利時王國捐錢，美國天主教福利會起。唐字碑文為

「

此等平房係由 比利時王國捐贈予香 　港人民并由美國天 　主教福利會建造 一九六一年三月十七日　立

」

一九八六年平房區拆，又有小碑，寫

「

此碑現立於前水牛嶺平房區。 此平房區於一九八六年十二月 清拆以便興建元朗市鎮公園。

」

元朗市鎮公園

啟用碑

一九九一年，區域市政局開放公園，由主席張人龍主持啟用。