水邊村

  提示：呢篇文講嘅唔係水邊圍。

水邊村，香港一村，喺元朗，歸入橫洲，屬原居民村。地處青山公路屏山段南側，西南背住水牛嶺。古時對住后海灣，今已難海好遠。村以黃氏為主，傳自江夏。村歸入屏山鄉事委員會，行政上入元朗區。

水邊村一景

追遠江夏黃氏

村屋排成一行一行，約莫五行。舊時村所有田地，都盡化成元朗新市鎮建設。靠山亦化成元朗公園。

村隔住青山公路，有聖伯多祿聖保祿堂，定為三級歷史建築。

村東面有水邊村遊樂場，西有協怡山莊同市鎮公園北兒童遊樂場。南面有元朗大球場。村北隔住青山公路，學校林立，有西起光明學校，再東元朗天主教中學，以及水邊村公立協怡小學。學校再北則係水邊圍邨。

村北貼住青山公路屏山段，村西南則有公園北路。青山公路一側，有輕便鐵路水邊圍站。