開主選單

江畹徵1904年2月16號1930年[註 1]),廣東南海人,係末代翰林江孔殷嘅大女,屋企排行十一。佢嫁畀汪精衞個侄汪希文做繼室,第年生淋巴癌過身[2][3]

江畹徵
出世 1904年2月16號
1930年
伴侶 汪希文
父母 江孔殷(父)
布蕊馨(母)
親屬 江清泉(阿爺)
江譽漢(大哥)
江仲雅(二哥)
江叔穎(三哥)
江季槐(四哥)
江譽桂(五哥)
江譽題(九哥)
江畹貽(十二妹)
江譽鏐(十三弟)
江譽裴(十五弟)
江畹文(十六妹)
江畹英(十七妹)

佢文學素養唔錯,當其時有「才女」之稱。佢細佬南海十三郎亦周時請佢幫手度一兩段曲詞,《燕歸人未歸》嗰段「清明節鶯聲切......落花如夢似水流年」就係江畹徵口授[2]。有傳名劇《女兒香》係佢替十三郎槍寫嘅,後尾十三郎亦喺報紙專欄否定呢種講法[註 2]

  1. 南海十三郎《小蘭齋雜記》:「...又先姊畹徵,亦生於元旦中宵,時爲開年,丑時降生,是年爲甲辰...」[1],甲辰即係西元1904年,舊底元旦係話正月初一,轉西曆即係1904年2月16號;又《小蘭齋雜記》:「...然亦不壽,年僅廿六,歸汪兆鏞年伯第五子汪希文爲繼室,翌年即患癌症病亡...」[1],咁計落江畹徵享年二十七,即係1930年過身。
  2. 南海十三郎《小蘭齋雜記》:「余嘗從事編寫粵劇,以先姊畹徵文學修養比余佳,亦時到厚德園請先姊助撰一兩段曲詞,故後來或傳余早年寫作,多出先姊手筆,實則先姊不諳音樂,只善於推敲詞句,指點余一二而已。」[4]

  1. 1.0 1.1 南海十三郎. "浮生浪墨:夢熊有兆迎春貴 弄瓦無緣仕聖朝". 編 朱少璋. 小蘭齋雜記. 商務印書館. 第 221頁. ISBN 978-962-07-5689-4. 
  2. 2.0 2.1 南海十三郎. "南海十三郎傳略". 編 朱少璋. 小蘭齋雜記. 商務印書館. ISBN 978-962-07-5689-4. 
  3. "我與江霞公太史父女:汪希文回憶錄". 大衆書局. 
  4. 南海十三郎. "浮生浪墨:有筆生花猶恨事 便爲才女奈愁何". 編 朱少璋. 小蘭齋雜記. 商務印書館. 第 34頁.