沒有暴徒，祇有暴政
香港社會運動嘅口號
「沒有暴徒，祇有暴政」（英文：There are no rioters, there's only tyrannical regime），係2019年香港反修例運動入面其中一句常用抗議口號，呼應運動入面要求收回對各個抗議活動嘅「暴動」定性嘅訴求。
呢句口號初頭叫「沒有暴動，祇有暴政」。事緣2019年6月12號反送中包圍立法會嗰陣，示威者佔領金鐘嗰頭嘅馬路，之後畀警方放催淚彈驅散，而警方曾經話過呢單嘢係「暴動」，所以喺6月16號譴責鎮壓撤回惡法大遊行入面，示威者開始嗌「沒有暴動，祇有暴政」嘅口號。7月1號佔領立法會嗰陣，示威者喺立法會會議廳高舉「沒有暴徒，祇有暴政」標語，「沒有暴徒」就逐漸取代咗「沒有暴動」嘅叫法。