譴責鎮壓撤回惡法大遊行（主辦單位稱呼），又叫民陣第四次反逃犯條例修訂遊行，係民間人權陣線响2019年6月16號搞嘅第四次反對逃犯條例修訂草案公眾遊行。呢次遊行主辦單位宣稱有約莫200萬01人[註 1]參加，警方就話高峰期原定遊行路線有33.8萬人，人數都超越上一個禮拜嘅反送中大遊行。
遊行前一日，政府宣佈「暫緩」修例，但無助減少遊行人數；遊行完咗後兩日，行政長官林鄭月娥現身就修例工作引起社會紛爭向市民道歉，但未有直接回應民陣「撤回」修例等嘅訴求。
譴責鎮壓撤回惡法大遊行嘅示威者
