開主選單

海心沙站粵拼hoi2 sam1 saa1 zaam6英文Haixinsha Station)係APM嘅車站,喺天河區海心沙嘅地底。列車喺廣州亞運會期間唔停呢個站。喺2011年2月24號俾媒體猛咁鬧咗呢個站好多次之後先至開咗畀人坐車。

海心沙
Haixinsha
HoiSamSaaZaam WORD.jpg
海心沙站嘅站名(喺啱啱落樓梯到咗月台冇幾遠嗰度)
概覽
冧巴 APM02
位置 天河區海心沙嘅地底
座標 27°06′42″N 113°19′27″E / 27.11167°N 113.32417°E / 27.11167; 113.32417座標: 27°06′42″N 113°19′27″E / 27.11167°N 113.32417°E / 27.11167; 113.32417
經過路線 APM
啟站 2011年2月24號
月台 1
站口數 1
營運資訊
車站服務時間 06:56~23:43
列車服務時間 07:01~23:38
珠江新城旅客自動輸送系統
總站 ◄廣州塔 (630m) (510m)大劇院► 林和西

雖然呢個站喺每日23:38收車,但係實際上,每日一到咗22:00,由於海心沙亞運公園要閂門,加上閂門期間有保安仔同差佬睺住公園大門口,所以車站凈畀出唔畀入。

另外,喺每年燈光節期間同馬拉松當日朝早到中午時段,呢個站亦唔會對外服務,列車亦會做飛站處理。

結構

樓層

呢個站一共有2層樓嘅地下區域,其中地下1樓係站廳,有票務設施同客務中心、警務室;地下2樓係APM嘅月台。同大多數嘅APM車站一樣,冇廁所同休息室、母嬰室響度。

打掂

地面 - 出入口、海心沙亞運公園
地下
1樓
大堂 服務中心、車站設備、安檢設施
地下
2樓
2月台 APM廣州塔站(行廣州塔嗰邊)
島式月台、開左邊門
1月台 APM大劇院站(行林和西嗰邊)

打橫

 
海心沙站嘅站廳
 
海心沙站嘅月台
 
柱上啲字

站廳

呢個站嘅站廳喺海心沙亞運公園入面嘅地底,有售票機同客服中心響度。而站廳嘅收費區入面有扶手電梯同樓梯往返月台都得。

月台

呢個站有1個島式月台,喺天河區亞運公園入面嘅地底。

商鋪同自助服務

呢個站同大部份APM嘅車站一樣,冇商舖;但係得1臺自動櫃員機同埋自動販賣機響度。

自助服務

出入口

海心沙站嘅A出入口。佢係呢個站嘅唯一一個出入口,就喺海心沙亞運公園嘅地下停車場入面(左圖)。而正式嘅出入口就喺海心沙亞運公園入面靠近花城廣場南門嗰頭(右圖)先至可以搵到佢。

呢個站凈係得去海心沙亞運公園嘅1個出入口,就喺海心沙亞運公園嘅地下停車場嗰度。之前喺開通無耐,由於亞運公園重喺度收緊錢,加上個站嘅唯一一個出入口喺公園入面,結果搞到一鑊熟,因為嗰時喺呢個站出咗閘係要收多個公園嘅入場費[1]。結果就俾人猛咁鬧[2],搞到地鐵方面要整多個出入口先至得。後嚟喺海心沙亞運公園免費俾人玩嗰陣,另外多咗嘅出入口先至取消咗。而家呢個站凈係得A一個出入口。

頭尾班車信息同配線圖

配線圖

APM
大劇院站

   
   
   

廣州塔站

行去邊頭 頭班車 尾班車
每日
APM
林和西站 07:01 23:31
廣州塔站 07:09 23:38
注意:
喺晚黑最後一班車開走之前嗰5分鐘之內,
係唔畀入閘坐車(包括埋買車飛)。

車站歷史

規劃同施工

喺2003年規劃緊嘅地鐵方案入面就出現咗APM綫嘅樣,嗰時嘅海心沙站就喺而家呢度。而工程喺2006年9月開工,一直到2010年秋先至搞掂。

亞運會期間,唔停呢個站。

睇埋:2010年亞洲運動會

雖然話APM喺2010年11月8號就通咗車,但係由於嗰時廣州要辦亞運會,根據國家發改委嘅要求先至話唔停呢個站;而列車一般去到歌劇院站(而家係大劇院站)就唔畀人去廣州塔嗰頭。因為嗰時廣州塔站都唔開嘅,加上呢個站因為安保先至攞咗嚟做亞運會嘅運動員休息室。

重未開畀人坐車?

 
之前海心沙站嘅B出入口。地鐵公司喺2011年2月24號到2012年9月30號係開咗畀人免費出入站。到咗2012年9月30號之後,由於海心沙亞運公園免費開放嘅關係,所以呢個站嘅出入口已經唔用喇。而家呢個出入口係唔去地鐵站嘅。

不過喺2010年11月28號嘅廣州亞運會閉咗幕之後,本嚟計劃話佢同廣州塔站一齊,都要開呢個站畀人坐車嘅。不過間亞運會開閉幕式嘅場地就變咗間公園,而且係收費嘅,所以就冇開到[3],結果俾人猛咁鬧咗n次,直到2011年2月24號先至開畀人坐車。

出入站坐車,仲收額外嘅「公園入場費」?

內文: 海心沙 (天河)海心沙亞運公園

喺2011年2月24號開通咗呢個站之後無耐,如估想出站嘅必須要買門飛先至得[1],結果又係搞到好多人鬧佢[2]。最後地鐵考慮咗呢方面嘅嘢,就整咗條唔使畀錢就可以出站嘅通道去到海心沙島出面,一直到2012年9月30號之後嘅海心沙亞運公園免費開放為止。而家嘅海心沙公園唔使錢就入得到去。

列車廣播冇粵語同英文報站?

喺2011年8月,有網民就喺微博度爆料,話海心沙站嘅列車廣播係成個廣州地鐵入面,唯一一個冇粵語報站嘅車站,甚至連英文報站都冇;後嚟狗仔隊收到呢單嘢之後就去採訪咗呢個站嘅值班站長。而值班站長就話:「因為APM用緊啲車都係進口嘅,同其它路線唔同,所以就冇搞到粵語錄音出嚟。之前地鐵部門都冇留意,所以海心沙站先至高出點解冇粵語報站出嚟。不過地鐵公司會重新錄過啲音嚟解決呢啲問題。」[4]後嚟喺地鐵公司嘅廣播更新入面先至多咗粵語同英文報站嘅嘢。

利用狀況

海心沙站係APM嘅其中一個好緊要嘅車站,呢個站嘅客流一般都係去海心沙亞運公園入面玩,及附近嘅花城廣場南邊上落班嘅人,同埋喺海心沙碼頭坐船去廣州塔長洲嗰邊嘅人成日喺呢度上落。尤其係節假日同週末,海心沙亞運公園重出現幾多客流嚟呢度上落。

接駁交通

附近嘅建築同景區

  1. 1.0 1.1 "广州地铁海心沙站直通收费公园 不买票无法出站". 新浪网新闻频道. 2011-02-25. 
  2. 2.0 2.1 "海心沙是广州城市客厅,坐坐也要交钱?". 南方都市报. 2011-02-22. (原先內容喺2011-02-28歸檔). 喺2014-06-12搵到. 
  3. 廣州亞運開幕前將開通6條地鐵線[失咗效嘅鏈]
  4. 地铁海心沙站将添粤语报站 互聯網檔案館歸檔,歸檔日期2014年4月27號,. 信息时报 喺 2011-08-03 搵到

上一站·下一站

上一站⇚⇚    廣州地鐵    ⇛⇛下一站
廣州塔站
總站
海心沙站
APM
大劇院站
林和西站