海心沙 (天河)
23°6′50″N 113°19′11″E / 23.11389°N 113.31972°E
呢篇文講天河區嘅海心沙。想搵海珠區嘅海心沙嘅話，請睇海心沙 (海珠)。海心沙（粵拼：hoi2 sam1 saa1）係中國廣東省廣州市嘅其中一個島，而呢個島喺天河區嘅二沙島東北邊，珠江新城嘅南邊，廣州大橋嘅東邊同海珠島嘅北邊嘅位。島嘅東邊可以望到獵德大橋，南邊可以望到廣州塔。呢個島喺2010年11月12號晚黑辦過廣州亞運會嘅開幕式，喺2010年11月27號辦過廣州亞運會嘅閉幕式。喺珠江新城旅客自動輸送系統起好咗之後一直到2011年2月24號，海心沙入面先至開咗海心沙站。
海心沙公園
編輯喺廣州亞運會閉咗幕之後，海心沙俾人改成亞運主題公園，重向啲人收錢[1]。不過APM嘅海心沙站喺嗰陣時凈係得去海心沙公園入面嘅1個出入口，如估想出站嘅必須要買門飛先至得。[2]就係噉，搞到好多人鬧[3]。最後地鐵考慮咗呢方面嘅嘢，就整咗條唔使畀錢就可以出站嘅通道去到海心沙島出面，一直到2012年9月30號之後嘅海心沙公園免費開放為止。而家嘅海心沙公園唔使錢就入得到去。
睇埋
編輯註
編輯- ↑ 〈海心沙昨开放迎客 市民热情捧场有赞有弹〉。原著喺2015年6月4號歸檔。喺2014年6月12號搵到。
- ↑ 〈广州地铁海心沙站直通收费公园 不买票无法出站〉。新浪网新闻频道。2011-02-25。
- ↑ 〈海心沙是广州城市客厅,坐坐也要交钱?〉。南方都市报。2011-02-22。原著喺2011-02-28歸檔。喺2014-06-12搵到。