海桃灣
海桃灣（英文：Florient Rise）[1] 喺香港九龍大角咀櫻桃街38號，近港鐵奧運站同埋奧海城，係一個喺市區重建局發展計劃之下發展嘅私人屋苑。物業係由市區重建局（簡稱市建局）同南豐發展共同發展，一共有三座，喺2009年9月30號啟用。
海明閣事件
編輯海桃灣發展範圍分為兩個長方形地盤，中間俾內街振榮街同一座形容為「頂心杉」嘅單幢式大廈海明閣分隔。最初，海明閣因為樓齡得九年，唔符合重建嘅條件，一直都無納入重建計劃嘅範圍度。不過，發展商南豐發展曾經嘗試向海明閣業主進行收購，但因為少數業主開價好高，最後都收購唔成。發展商無法合併做單一地盤重建，發展佈局設計受到限制，所以唔能夠增加項目嘅重建價值。呢個收購事件亦因為太過特別，而被媒體廣泛報導過。[2][3]