海洋無脊椎動物

海洋無脊椎動物係指住喺海入面或者海邊嘅無脊椎動物：有好多個門同綱嘅無脊椎動物都有成員係住喺海入面或者海邊嘅，甚至乎係成個門或者綱嘅物種都係以海洋生物為主嘅。

2002 年喺加州對開、超過 2,500 米深嘅海嗰度影到嘅一嚿海綿

出名嘅海洋無脊椎動物有櫛水母、白蚱同海葵等嘅刺胞動物、軟體動物（包括魷魚同八爪魚等嘅頭足綱動物）、節肢動物（包括蟹同龍蝦等嘅甲殼動物）同埋海綿動物呀噉；當中海綿動物就出名在歷史久遠得好交關－對化石做嘅研究顯示，海綿動物早喺 5 億 4,100 萬年（寒武紀）甚至更早之前嘅時代經已存在。