龍蝦

物種分類

界	動物界 Animalia
門	節肢動物門 Arthropoda
亞門(Subphylum):	甲殼亞門 Crustacea
綱	軟甲綱 Malacostraca
目	十足目 Decapoda
Infraorder:	無螯下目 Achelata
科	龍蝦科 Palinuridae Latreille, 1802

屬

岩龍蝦屬 Jasus
脊龍蝦屬 Linuparus
真龍蝦屬 Palinurus
龍蝦屬 Panulirus

龍蝦（學名：Palinuridae）係甲殼亞門十足目無螯亞目中嘅一個科，佢大概有45個品種。

同龍蝦科最接近嘅係蟬蝦科，兩者同屬無螯下目。屬於龍蝦科嘅屬包括真龍蝦屬、岩龍蝦屬、脊龍蝦屬同龍蝦屬。

龍蝦可以食，係經濟上重要嘅食物資源。龍蝦係巴哈馬最重要嘅出口嘢食^[1]。

特徵改

雖然喺外形上龍蝦同海螯蝦非常類似，兩者都有堅硬嘅盔甲同外骨骼，但實際上呢兩個科嘅動物無親緣關係。兩者嘅最大嘅分別係，龍蝦嘅觸角好長、比較粗而且多刺，而且龍蝦無螯。海螯蝦嘅觸角就細得多，喺佢前三對腳上形成螯，尤其第一對特別大。

分佈改

龍蝦生活喺溫暖海域度，例如加勒比海、地中海、南非，尤其喺澳洲同亞洲附近嘅海域。佢哋鍾意生活喺岩石同珊瑚礁嘅縫隙之中。

習性改

龍蝦只喺夜間活動，食物包括蝸牛、貝殼、螃蟹、海膽、殘屍等。有時佢哋會成群結隊喺海底遷徙。佢哋可以通過觸角同外骨骼之間嘅摩擦發出一種尖銳嘅摩擦音，去嚇天敵^[2]。

一般龍蝦有群聚嘅習性。最近研究發現健康嘅龍蝦會避開被寄生蟲侵擾嘅龍蝦^[3]。

海鮮嘢食改

就食用價值嚟講，最有意義嘅龍蝦係龍蝦屬中嘅大龍蝦例如中國南海龍蝦（Palinurus versicolor）。呢啲龍蝦嘅最長可達30至45厘米（唔計觸角），最重可達5千克。

活龍蝦嘅尾部必須稍微捲起，假如條尾係直嘅嘅話，燒熟咗啲肉就唔好食。一般龍蝦嘅肉比海螯蝦嘅乾，而且營養價值更高，除咗有豐富嘅蛋白質，重含有維他命B12同鋅。燒熟後龍蝦會變紅。

龍蝦肉係美味嘅嘢食，製法係可以白灼、芝士焗，係中國大陸名菜。喺中國大陸南方沿海亦經常用鮮活嘅龍蝦切片後生吃，稱為「刺身」。廣式海鮮有「龍蝦三吃」一講，即龍蝦肉分別生食同熟食，用龍蝦頭同外殼熬粥。大龍蝦嘅價格相當高昂，即使喺沿海城市，售價往往亦達到幾千蚊人民幣。部份廚師喺煮熟龍蝦前用Crustastun電死減少佢痛苦。

除咗大龍蝦之外，用嚟食嘅重有小龍蝦，一般係河鮮，佢重量同體積遠遠細過大龍蝦，價錢亦較平。