海珠有軌電車1號線
史
編輯廣萬段（廣州塔⇄萬勝圍）
編輯規劃
編輯本來廣州開始計劃整有軌電車，但係一直都遇到技術問題而冇起到。直到2012年11月3號，廣州市正式就開始辦合作發展新型軌道交通裝備專案嘅簽約儀式，嗰時嘅廣州市市長陳建華同埋中國南車公司總裁鄭昌泓一齊簽約[1]。海珠環島新型有軌電車試驗段工程喺2012年10月24號搞第一次環評[2]，再喺11月22日搞第二次環評[3]。2013年4月16號佢份環評喺廣州市環保局嘅網站入面公佈[4]。
工程
編輯海珠有軌電車工程嘅試驗段喺2013年11月11號開始起。工程去到2014年2月已經鋪好從萬勝圍到會展西嗰橛嘅50米軌道。而喺嗰年3月26號先至開始喐手起磨碟沙嘅停車場[5]。而成日未達成拆遷共識嘅琶醍站附近嘅酒吧街，就喺2014年11月20號先至開始喐手[6]。到咗2014年12月12號，由於磨碟沙停車場已經可以停得車，所以有第一班有軌電車殺到。而有軌電車嘅試驗段工程，就去到2014年嘅聖誕節期間先至搞掂。
開通
編輯2014年12月31號朝早9點鐘，海珠區有軌電車首通段正式開始試營運，不過嗰時琶醍站重喺度起緊，唔開放住[7]。到咗2015年10月21號琶醍站先至開始營運。
縮短到廣州塔東站
編輯2024年11月12號，廣州塔站永久停止服務，廣州塔東站會係未來嘅終點站，廣州塔東站亦都要暫時停止服務去做工程。
洛崙段（崙頭⇄洛溪渡口）
編輯規劃
編輯2014年9月30號，路線東南邊嘅洛崙段（崙頭⇄洛溪渡口）亦正式搞前期研究兼開始招標，重喺2015年5月21號正式通過環評[8]。
洲洛段（洛溪渡口⇄洲頭咀）
編輯規劃
編輯2016年2月24號，路線西南邊嘅洲洛段（洲頭咀⇄洛溪渡口）亦正式搞前期研究兼開始招標[9]。
路線延長
編輯2016年1月初，廣州市有軌電車公司計劃將呢條路線加多條琶洲加密綫同新港東延長段。其中：
- 琶洲加密綫
先喺磨碟沙附近嘅規劃路口開始出發，之後行到琶洲南大街轉向西，到琶洲西大街之後轉向北，之後轉入磨碟沙大街，最後行到琶洲東大街同磨碟沙車庫附近條軌道接埋一齊。
- 新港東延長段
先喺萬勝圍站出發，喺黃埔村牌坊東邊嘅海珠科技大樓門前整鳳浦公園站、之後一直向東，喺東環高速公路橋底整新洲立交站，之後跟住新港東路一直行，去到新洲碼頭附近整埋個新洲站為止。
票價
編輯呢條路線同APM一樣，唔理佢去到邊都係￥2蚊[10]，重可以用羊城通（嶺南通），而且都喺廣州市巴士同地鐵嘅優惠範圍入面（15次6折／月）。不過呢個系統無傳統嘅單程飛，而係用咗二維碼車飛。而驗飛設備都喺列車嘅車廂入面，差唔多車門嗰度[11]。不過喺2014年12月31號到2015年2月11號係冇得用羊城通（嶺南通）嚟坐車，亦冇飛賣，但就有得賣「試坐紀念飛」，每人￥2，可以喺買飛嗰日坐無限次有軌電車[7]。2015年2月12號開始賣單程飛同畀用羊城通（嶺南通），不過都係可以嗰日坐無限次。而車廂入面就學火車站噉安排啲職員嚟查飛，唔畀人搭霸王車。
2015年10月30號開始唔畀買一次飛嗰日就坐無限次，坐一次就要畀￥2[12]。
經過嘅車站同路線
編輯| 海珠區 | |||||
| 廣州塔東站 | gwong2 zau1 taap3 dung1 zaam6 | Canton Tower East | 地面側式月台 | ||
| 獵德大橋南站 | lip6 dat1 daai6 kiu4 naam4 zaam6 | Liede Bridge South | 地面側式月台 | ||
| 琶醍站 | paa4 tai4 zaam6 | Party Pier | 地面側式月台 | ||
| 南風站 | naam4 fung1 zaam6 | Nanfeng | 地面側式月台 | ||
| 會展西站 | wui6 zin5 sai1 zaam6 | Canton Fair Complex West | 地面側式月台 | ||
| 會展中站 | wui6 zin5 zung1 zaam6 | Canton Fair Complex Middle | 地面側式月台 | ||
| 會展東站 | wui6 zin5 dung1 zaam6 | Canton Fair Complex East | 地面側式月台 | ||
| 琶洲大橋南站 | paa4 zau1 daai6 kiu4 naam4 zaam6 | Pazhou Bridge South | 地面側式月台 | ||
| 琶洲塔站 | paa4 zau1 taap3 zaam6 | Pazhou Pagoda | 地面側式月台 | ||
| 萬勝圍站 | maan6 sing3 wai4 zaam6 | Wanshengwei | 地面側式月台 | 8 4 |
註
編輯- ↑ 〈有轨电车项目昨举行签约仪式 或首先应用于海珠环岛线〉。原著喺2014年11月12號歸檔。喺2015年1月1號搵到。
- ↑ 看不到可行性研究報告，海珠輕軌如何環評？
- ↑ 〈海珠环岛有轨电车设10站 总站可与多条地铁线接驳〉。原著喺2014年11月11號歸檔。喺2015年1月1號搵到。
- ↑ 〈輕軌一天開18個鐘 20分鐘遊全程〉。原著喺2014年11月11號歸檔。喺2015年1月1號搵到。
- ↑ 〈海珠有轨电车磨碟沙停车场动工〉。原著喺2014-11-11歸檔。喺2015-01-01搵到。
- ↑ 有轨电车琶醍段终于开工了
- ↑ 7.0 7.1 〈海珠有轨电车试验段31日10时开通试乘〉。原著喺2014年12月30號歸檔。喺2015年1月1號搵到。
- ↑ 海珠环岛轻轨仑头段环评启动 鳳凰網 （2015-05-22）
- ↑ 洲头咀-仑头拟建有轨电车直通太古仓 廣州參考 （2016-02-24）
- ↑ 〈有轨电车票价出炉：2元/次〉。原著喺2014-11-11歸檔。喺2015-01-01搵到。
- ↑ 〈广州海珠有轨电车将用二维码车票〉。原著喺2014年9月14號歸檔。喺2015年1月1號搵到。
- ↑ 与早高峰擦肩而过