開主選單
海珠濕地公園嘅正門牌坊

 海珠濕地公園粵拼hoi2 zyu1 sap1 dei6 gung1 jyun4*2 ,簡稱海珠濕地,第個名係萬畝果園maan6 mau5 gwo2 jyun4),係中國廣東廣州一公園兼自然保護區,喺海珠區東邊嘅石榴崗,差唔多去到土華嗰邊(近而家嘅廣州新中軸線)嗰度,北邊靠住新滘中路;南邊靠住石榴崗涌;東南邊靠住京港澳高速華南快速幹線嗰度,西邊同海珠湖隔住江海大道。呢間公園成日俾人讚話係「廣州嘅綠心」,入面嘅869公頃區域嘅核心區係廣東海珠國家濕地公園嘅試點建設範圍,佢將會成為全中華大城市入面,最大最靚嘅城央國家濕地公園。呢間公園喺2012年10月1號正式開畀出面嘅遊客入去玩。

由於公園嘅試營運模式日趨成熟同設施進一步完善咗,所以公園管理方喺2015年11月14號宣佈2015年12月1~31號閉園,重喺2016年1月1號開始搞收費[1]

2017年1月23號,園區列入咗2016年中國人居環境範例獎,成為廣州市第四個升級成國家獎嘅項[2]。後嚟喺同年12月初因為考慮到公園有部份遊客啲質素太差(例如破壞花草樹木或亂掟垃圾)而宣佈喺同年12月19~21號呢三日停止對外服務[3]

面積

呢間公園嘅總面積有差唔多1100ha,其中入面嘅869公頃區域嘅核心區係廣東海珠國家濕地公園嘅試點建設範圍。而入面包括咗59.7公頃嘅城市内湖濕地,214.6公頃嘅河涌濕地同埋202.3公頃嘅涌溝——半自然果林鑲嵌復合濕地。而濕地率方面,可以去到間公園嘅54.8%。

主要嘅景區同建築

綠心湖
花溪
友誼林
果香橋
花橋

濕地廣場

濕地廣場有8800㎡大,佢有成個廣州市冚唪唥嘅同類牌坊入面,最高嘅濕地牌坊響度嘅同時,重有嶺南園林風格嘅綠影長廊、鑊耳式建築風格嘅客服中心等建築整成嘅通透式廣場。嗰度有雕花飛簷同埋飛閣流丹嘅綠影長廊、同好高嘅鑊耳山墻、好古老嘅趟櫳門、比較靚嘅滿洲窗夾埋一齊搞出咗比較靚嘅嶺南建築特色。

濕地牌坊

濕地牌坊係廣州市冚唪唥嘅同類牌坊入面,最高嘅濕地牌坊。有28.3m闊,23.8m高。而建築方面係用咗石雕同埋比較精細嘅木料斗拱、灰色塑料裝飾嘅屋脊同埋兩邊有嶺南特色嘅魚形鴟嘴嘅建築,搞成一個幾有傳統特色嘅四柱三間廡式三樓嘅結構牌坊,而牌坊嗰度重有嘅圖案同埋「雙龍戲珠」、「漁樵耕讀」、「三陽啟泰」、「碩果纍纍」同「嶺南佳果」嘅石雕,唔單止體驗咗嶺南建築嘅精細同得意嘅嘢,甚至重show咗海珠濕地嘅農耕文化歷史同嶺南佳果嘅主產地特色。

綠心湖

海珠濕地入面嘅綠心湖算係間公園嘅其中一個最大特色,佢有6000㎡咁大,而且佢啲湖水同河涌啲水有連埋一齊,靠自然潮汐嚟補水,而水質方面清到可以見底,而且重冇乜浪噉。喺湖嘅中心重種咗成年都開花嘅美人蕉再力花、同埋有淨化水質嘅卅幾樖水生植物。湖入面重有都喺埋度而搞出一片幾有生機同芳華嘅嘢,而湖嘅兩邊重整咗雙向親水人行棧道嚟畀啲人近距離睇湖入面啲植物同水底嘅嘢。喺個湖嗰度重可以睇到中國第一高塔——廣州塔嘅靚景。

花溪

花溪有650m長,入面有好多樹木同埋雀仔叫、好響嘅水流聲喺埋一齊。入面種咗成60幾樖植物,主要係開花植物同常綠植物夾埋一齊嚟種。

友誼林

喺2012年11月17號嘅廣州國際城市創新獎嘅友誼林植樹活動就喺呢度辦過,入面有56個國家嘅153個城市嚟參加咗呢項參評。喺呢度重見證咗廣州國際城市創新獎嘅誕生。

福壽果廊

福壽果廊嘅棧道有成300m長,入面種咗好多荔枝龍眼黃皮呢啲嶺南佳果響度。呢條果廊入面重畫咗成千個帶有「福」、「祿」、「壽」呢啲噉嘅字。而呢三個字啫係話「唔使求第幾,凈係求平安。」噉解。

果香橋

果香橋係通去好多結咗果嘅花果島,喺橋頂度未落到島入面就聞到果香。

果漪橋

果漪橋嘅橋底嗰度有條好清嘅水行過,入面有好多魚喺嗰度游,加上島上面嘅果林啲影show嗮喺水流入面,搞到啲果跟住啲波浪嚟喐。

花橋

白雪雪嘅拉索牽引橋跨過龍潭涌,唔理佢喺橋頂定橋底都係有好多花響度,而且一年四季都有,咁啱就係「廣州——靚嘅花城」嘅縮影。

飛同開放時間

2015年11月30號或之前,公園係免費開放。但2016年1月1號重新開放之後,公園從免費變成優惠收費期。期間入場要20/人[4][5]。從2017年1月1號開始實行正式收費。

[5]

個人
  • 每位50。
  • 身高≤1.2m嘅細路/歲數≥65嘅老坑(要有廣州嘅老人證或中國大陸身份證)/現役或榮譽軍人(要有軍官證或榮譽證)/殘疾人(要有殘疾證):免費
  • 入境遊客一定要帶《港澳居民來往內地通行證》。
  • 臺灣入境遊客一定要帶《臺灣居民來往大陸通行證》。
  • 國際旅客一定要帶護照。
  • 公園遊客唔可以同時享有入場優惠同網站訂票優惠。
團隊
  • 家庭套票:100(要至少有兩位大人同一位細路)。
  • 普通團:50(團隊至少要≥10人)。

開放時間

09:00—17:00,逢禮拜一閉園(除節假日外)。

附近嘅交通

  • 巴士:
    龍潭村牌坊站、新滘中路(龍潭)站