竹

竹
竹樹
物種分類
界 植物界 Plantae 門(Divisio): 被子植物門 Angiosperms 綱 單子葉植物綱 Ｍonocots 目 禾本目 Poales 科 禾本科 Poaceae 亞科 竹亞科 Bambusoideae

竹係草本植物，不過佢生得大，好多人都當佢係木本嘅樹，叫做竹樹。所以有幾種竹係世界最大樖嘅草本植物。

世界上有成千種竹，凍定熱嘅地方，都有佢嘅品種。竹個莖係一節節咁，另外有地下莖，地下莖會生芽成為另一樖竹，所以竹可以生到成個林咁。

特徵

已經知道全球大約有1225種竹。通常好少開花，但生得好快，有啲竹嘅空心每日可以成長40厘米，而成年竹最高可以達到35-40米。竹生得快嘅原因係佢嘅枝幹分節。當其他植物只有頂端嘅分生組織喺度生長緊嘅時候，竹就每節都喺度生長。之但係，隨住竹不斷長大，竹節外面包住嘅鞘就會甩，竹就會停止生長。

分佈

全世界都有，除咗歐洲。佢主要分佈喺北緯46度到南緯47度之間。

用途

竹通常可以用嚟做器具同傢私，建築材料，好似竹棚同戲棚。有啲品種嘅竹，佢嘅竹筍可以食。