消費物價指數

消費物價指數英文consumer price index,簡寫:CPI),又叫消費者物價指數,係量度一個地方嘅居民日常生活會買嘅消費商品服務價格水平,隨住時間而變動嘅情況,可以用呢個數字去計通貨膨脹嘅程度。

美國消費物價指數

計法

 
蔬菜嘅 CPI:假設上圖籃菜能夠準確噉代表普羅大眾買嘅菜,將籃菜入面嘅菜逐種逐種攞嚟睇,嗰種菜嘅價同對上一年比升咗或者跌咗幾多呢?呢啲菜平均價錢升咗或者跌咗幾多呢?
睇埋:市場籃

計 CPI 嘅步驟大致如下[1]

  • 首先,考慮市場籃(market basket)嘅概念。一個市場籃係指一拃「响個經濟體裏面,啲普羅消費者普通消費嗰陣會買嘅貨品同服務」,通常包括啲人買餸嗰陣買嘅嘢、各種日用品(例如番梘廁紙)同埋日常會用嘅服務(例如飛髮同睇醫生)... 等等[註 1][2];响實際嘅經濟研究當中,市場籃「有咩响裏面」可以透過「對消費者做問卷調查」等嘅途徑得知[3]
  • 知道市場籃入面有邊啲貨品服務之後,分析師就要郁手計「同舊年(或者對上一次調查通脹率)比起嚟,啲貨品服務嘅價平均變咗幾多」;呢個過程遠遠唔淨只係「攞今年嘅價同舊年嘅價,將兩個數相減或者相除,再計平均」咁簡單-分析師通常起碼要調節吓啲價嘅數值,(例如)考慮埋啲貨品服務嘅質素有乜變化,確保一件貨品服務嘅價升唔係源於件貨品服務嘅質素升咗。
  • 做好咗調節之後,分析師就會攞住今年個價 )同對上一次計 CPI 嗰時嘅價 ),用類似下面嗰條式噉嘅式,計出今年嘅 CPI 數值 )-「同對上一次調查通脹率比起嚟,啲貨品服務嘅價變咗幾多 %[4]
     

CPI 嘅計法响經濟學界相當有爭議性-例如「要點樣先可以準確知消費者日常買乜」同埋「郁手計 CPI 之前,啲價嘅數值要用乜方法調節」都係相當大嘅問題。

註釋

  1. 「市場籃裏面有乜」可以隨好多因素有異:首先,唔同國家地區嘅市場籃可以唔同,例如香港英格蘭文化差異,香港人英格蘭人日常買餸嗰陣會買嘅嘢都有分別;又例如唔同年齡層嘅人嘅消費習慣又可以有異。

睇埋

  1. Consumer Price Index: Data Sources. Bureau of Labor Statistics (BLS).
  2. Hobijn, Bart; Lagakos, David (May 2003). "Social Security and the Consumer Price Index for the Elderly". Current Issues in Economics and Finance. Federal Reserve Bank of New York. 9 (5): 1-6.
  3. NSW HEALTHY FOOD BASKET (PDF).
  4. Consumer Price Index (CPI). Intelligent Economist.