深水埗三太子及北帝廟
22°19′46″N 114°09′45″E / 22.32944°N 114.16250°E
三太子廟，又叫三太子宮，係香港唯一供奉中國神話封神榜主角嘅廟，裏面供奉哪吒三太子。廟宇喺九龍深水埗汝洲街，喺清朝光緒年間起，而家係香港二級歷史建築。三太子宮側邊有北帝廟，又稱北帝宮。兩間廟一齊喺1931年撥歸華人廟宇委員會負責管理。1985年同埋2006年重建過。
歷史及結構
編輯1894年嘅香港發生咗鼠疫，喺界限街以北嘅深水埗仍然係清朝嘅土地，聚居唔少以打石為業嘅客家人，喺疫症期間從惠陽迎來三太子神像出巡，之後疫症減退，因而喺光緒廿四年（1898年）集資起廟以保佑街坊嘅健康。
三太子宮係傳統二進建築物，大門石額題「三太子宮」，大門對聯寫住：「驅除癘疫何神也 功德生民則祀之」，擋中上書「至聖至靈」，對聯：「聖德巍巍宇內羣生咸沾雨露 神恩蕩蕩國中黎庶盡沐威光」，主祀哪吒三太子，配祀觀音同包公，另外供奉太歲同埋金花娘娘。
深水埗北帝廟係由嗰區漁民起，原本起喺海旁，喺1920年拆遷移到三太子宮側邊，北帝廟供奉北帝、玄奘法師（唐三藏）同埋文昌帝君。三太子宮外有小廟供奉城隍。
北帝誕同三太子誕分別喺每年農曆三月初三及三月十八日舉行。
相
編輯-
三太子廟正門 -
深水埗北帝廟正門 -
精美脊飾
參考
編輯- 《香港市區文化之旅》，蕭國健、沈思 編著，萬里機構，ISBN 962-14-2090-3