港澳地區
港澳地區（粵拼：gong2 ou3 dei6 keoi1）係中華人民共和國對香港同埋澳門呢兩個特別行政區嘅嗌法。
兩地喺近代曾經係英國同埋葡萄牙嘅殖民地，亦係二戰後唯二畀外國勢力控制嘅中國領土；根據《中英聯合聲明》同《中葡聯合聲明》，兩地主權分別喺1997年7月1號同1999年12月20號移交返畀中國而實行一國兩制，仲用咗同中國社會主義唔同嘅資本主義社會制度。
香港
編輯
香港係中華人民共和國兩個特別行政區之一。香港全境由香港島、九龍同新界組成，其中以香港島北部至發達；地理環境上就由九龍半島等大陸土地，同埋263個島構成。截至2018年，約莫748萬人喺香港住緊。
澳門
編輯
澳門喺南中國海沿岸，地處珠江口以西，全境由澳門半島、氹仔、路環同埋路氹城四笪地方所組成，陸地面積加埋33平方公里同海域面積85平方公里（2020年）。其中澳門半島北面同中國大陸連接，而氹仔同路環原先係兩個唔黐埋嘅離島，不過後期嘅填海工程就將呢兩個島完全駁埋咗喺一齊，仲將駁埋嘅嗰笪地方嗌做「路氹城」。