漆咸道

漆咸道（英文：Chatham Road）係香港九龍嘅一條路，分成漆咸道南同埋漆咸道北兩段。漆咸道最初只有大包米到紅磡一段，即係南段，後尾就拉長到去土瓜灣。新加嗰段地理位置比較北，所以叫漆咸道北，而本來嗰段就順理成章改名做漆咸道南。漆咸道頭嗰段喺1888年落成，當時叫做德輔道，1890年改名漆咸道。德輔道呢個名就畀咗香港島北部當時新起好嘅德輔道，用到而家。

Chatham Road 漆咸道
響尖東一帶嘅漆咸道
基本資料
總長度	3公里
車速限制	50公里／小時
所在地區	香港九龍
起點	九龍城區 土瓜灣 東九龍走廊
終點	油尖旺區 尖沙咀 梳士巴利道
歷史資料
舊有名稱	德輔道
命名日期	1890年
通車日期	1888年
地圖

漆咸道同柯士甸道160號交界處嘅一座建築物嘉諾撒聖瑪利書院，佢嘅東面係香港歷史博物館同埋暢運道，有紅綠燈位，交通好繁忙。

漆咸道南由尖沙咀梳士巴利道近新世界中心開始，去到紅磡康莊道同漆咸道交界。一般嚟講香港人將漆咸道南當做尖沙咀同埋尖沙咀東嘅分水嶺。香港理工大學、香港科學館、香港歷史博物館同槍會山都喺條路沿線。

漆咸道北由漆咸道南同康莊道交界行去土瓜灣馬頭圍道，喺嗰度接上東九龍走廊北行。漆咸道北同東九龍走廊都係5號幹線嘅成員。喺紅磡寶其利街同溫思勞街一帶有一條同漆咸道北平行嘅單線北行車路，同樣被視為漆咸道北嘅一部份，不過嗰段路同漆咸道北主幹道被行人路完全分隔，喺主幹道嘅駕駛人士唔可以直接駛入嗰段漆咸道北，反之亦然。

名

漆咸道來自人名Chatham，讀/ˈtʃatəm/。查實英文化音節係咁分，chat﹣tham。tham之h，係指t要送氣音，讀似氹。之不過舊時譯名師爺，只係按串法估成chat-ham，結果出咗個咸音出來。