澳門教科文中心

澳門教科文中心（葡文：Centro UNESCO de Macau）係澳門基金會設立嘅澳門教科文中心文娛設施，喺澳門半島新口岸宋玉生廣場。

澳門喺1995年10月25號加入聯合國教科文組織，成為呢個組織嘅準會員。教科文中心喺1998年6月29號由澳門總督韋奇立揭幕。佢喺2009年至2012年期間配合宋玉生廣場改善工程閉館，2012年12月15號重新開放。

宗旨編輯

教科文中心致力推動澳門教育、科學、文藝發展，同時冀望實現聯合國教科文組織同澳門基金會宗旨。

佢嘅主要工作有倡議同推行教育、科學同文化藝術領域中以青年為主要培訓對象嘅交流、合作嘅發展項目；進行或支持有關藝術文獻同其他出版物嘅介紹同推廣工作，推動澳門同聯合國教科文組織之間聯繫；舉辦有關研討會、講座、展覽同會議以至音樂會、戲劇同電影演出；推動同協調同聯合國教科文組織會員學校網絡嘅發展。

開放時間係每日朝早10點至下晝7點。

澳門教科文中心有兩層，總面積大約680平方米。

呢篇澳門教科文中心係關於澳門嘅楔位文章，重未完成嘅。麻煩你幫手補充佢嘅內容。