澳門30X巴士
澳門30X巴士，係一條由澳巴做緊，而跳站形式由關閘來回望德聖母灣嘅快速循環巴士線，只係響朝早同晏晝繁忙時間服務。
澳門30X號巴士
| |||||||||||
|---|---|---|---|---|---|---|---|---|---|---|---|
| |||||||||||
| 管理資訊 | |||||||||||
| 監管者 |  交通事務局
| ||||||||||
| 經營者 | File:澳巴.png澳巴 | ||||||||||
| 所屬車廠 | 旅遊塔車場 | ||||||||||
| 路線用車 | 宇通ZK6118HGE | ||||||||||
| 路線資訊 | |||||||||||
| 路線圖 | |||||||||||
| 服務資訊 | |||||||||||
| 服務時間 | 朝早六點半到朝早十點 晏晝三點到晚黑八點（禮拜日同強制性假期停駛） | ||||||||||
| 班次間隔 | 八到十二分鐘 | ||||||||||
| 全程收費 | 六蚊葡幣 | ||||||||||
| 替代路線 | 30 | ||||||||||
呢條路線曾經係澳門唯一一條來回都經唔同大橋嚟行嘅巴士線。
背景
編輯2016年7月1號，新時代副總經理郭棟昌響澳門日報話，同緊交通事務局申請開通30X，從台山、關閘開出之後，直接去氹仔市區，唔經北區。
2016年8月29號，交通事務局話為咗紓緩繁忙時間市民搭30號巴士嘅需求，為咗加快疏導乘客，調配現有資源，將30號一啲班次抽出嚟行呢條線，畀咗新時代做，而跳站嘅快速巴士運作，加快疏散乘客，等中途站啲乘客可以上到車[1]。
2017年4月10號，呢條線停完「廣東大馬路／成都街」巴士站之後，改行哥英布拉街去氹仔電訊、嘉樂庇總督大橋去皇朝區、北區再返去李寶椿街，因為呢次改道就唔再停「廣東大馬路／鴻發」、「氹仔大中華廣場」、「泉裕豪庭」、「湖畔大廈」同「高勵雅馬路」巴士站，加停「氹仔電訊」、「史伯泰／盧廉若」、「蘇利安圓形地」、「亞馬喇前地」、「葡京酒店」、「十月一日前地」、「北京街／假日酒店」、「宋玉生廣場」、「觀音蓮花苑」、「澳門文化中心」、「孫逸仙大馬路／金沙」、「友誼馬路／海港街」十二個巴士站，之後按原線返去「李寶椿街」巴士站；同埋將原本禮拜日同公眾假日先停駛改為禮拜日同強制性假日先停駛[2]。
2017年12月15號，交通事務局為咗加強行車安全同擴大服務範圍，唔停「馬場東大馬路」巴士站，加停「勞動節街／中葡職業技術學校」同「黑沙環中街／黑沙環衛生中心」巴士站。
2018年2月3號，因為「觀音蓮花苑」巴士站永久取消，所以唔再停呢個巴士站。
2018年4月16號，交通事務局召開記者會，公佈巴士加價同回應4月15號嘅氹仔嘉樂庇總督馬路巴士奪命交通意外，會上交通事務局局長林衍新局先公佈會響4月21號澳門所有公共巴士統一收六蚊葡幣，用澳門通拍卡畀錢就分普通線同快線收費，普通線收三蚊葡幣而快線就收四蚊，餘額由政府補貼，學生卡就響澳門通嘅價錢上再半價，老人同殘疾人士免費，將原本傾好嘅分澳門居民澳門通同普通澳門通收費（普通澳門通重有補助不過補少啲）、學生寒暑假期間取消優惠、老人同殘疾人士卡朝早同晏晝繁忙時間取消優惠（唔想老人同殘疾人士同返工啲人逼車）嘅全部內容唔實行，又將六十分鐘入面補差價由澳門線轉氹仔線嘅轉乘安排取消，澳門線轉氹仔線受澳門線轉澳門線轉乘時間一樣四十五分鐘，轉路環線就保留六十分鐘轉乘時間，林衍新話加價係基於澳門巴士好多年都冇加價（同樣理由已經響早排交通事務局服務費、鎖轆費、分階段調整咪錶收費用過），同埋佢嘅局預算冇加，但係補貼巴士公司嘅錢就不停噉加，所以點都要加，重話加幅比2008年巴士加價幅度細，調整幅度相對溫和，被人批評交通事務局冇經過大多數民意支持就霸王硬上弓話加就加夾硬嚟，2008年巴士雖然加價，但係當年第一任交通事務局局長汪雲為咗吸引多啲人搭巴士支持綠色出行，第一次推出澳門通拍卡有補貼，變相減咗價，但係由於冇區分澳門居民同遊客，所以交通事務局補貼費用年年上升，惹嚟澳門市民反感，要求區分收費，但今次方案諮詢嗰陣有提到，但冇實行[3][4]。
2018年4月21號，澳門巴士票價調整，呢條線嘅收費亦跟住調整：全程收費係六蚊葡幣，唔再分區收費。
2021年1月11號開始，呢條線唔再經葡京酒店同皇朝區哥頭，改經氹仔中央公園、花城公園同埋海灣花園後取道友誼大橋番澳門，再按原線番返去關閘廣場。[5] 服務時間同時改為朝早六點半到十點，以及增加下晝服務時段由晏晝三點到晚黑八點。
用車
編輯新時代時期
編輯- 2011年之後
宇通ZK6118HGE（3001-3087，原維澳蓮運）
- 2014年之後
宇通ZK6118HGE（3088-3097）
澳巴時期
編輯- 宇通ZK6115HG1ze33098-3137）
- 宇通ZK6105HG（3138-3161）
走線
編輯車費
編輯- 全程車費：六幣葡幣。
- 用澳門通全民卡，只係扣四蚊，其餘由政府畀。
- 用澳門通學生卡，只係扣兩蚊，其餘由政府畀。
- 用澳門通長者卡同殘疾卡，免費，全部由政府畀。
服務
編輯| 服務時間 | 禮拜一到六 | 禮拜日同強制性假期 |
|---|---|---|
| 關閘廣場 | 朝早七點到朝早十點 同 晏晝三點到晚黑八點 | 停駛 |
| 班次 | 六到十分鐘 |
停站
編輯| 去關閘廣場方向 |
|---|
|
攷
編輯- ↑ （繁體中文）〈優化北區至離島巴士服務 51A、30X兩路線周一開通〉。交通事務局。2016-08-27。原著喺2016-08-27歸檔。喺2018-05-10搵到。
- ↑ （繁體中文）〈30X路線調整行程提升疏導能力〉。澳門特區政府交通事務局。2017-04-06。
- ↑ （繁體中文）拍卡3元 現金6元 巴士收費週六起加價，論盡傳媒，響2018年4月16號搵到。
- ↑ （繁體中文）有意見指巴士加價漠視民意，澳廣視，響2018年4月21號搵到。
- ↑ 〈永久取消「蓮花大橋」站及其他路線調整（轉載新福利及澳巴訊息）〉。交通事務局。澳門特別行政區新聞局。2020-01-07。喺2021-01-07搵到。
睇埋
編輯拎
編輯- （繁體中文）澳門公共汽車股份有限公司