灝景灣（Villa Esplanada）係香港新界青衣島東北岸嘅私人樓，喺牙鷹洲街8號。以前係牙鷹洲華潤油庫同埋填海地。
屋苑分3期總共10座樓，第1至第3座係第一期，第5至第7座係第二期，第8至第11座係第三期。
灝景灣有個商場仔，入面有新星海鮮酒家、華潤萬家超級市場同Hair Artist等舖。學之園幼稚園喺商場下面。
屋苑係永達利物業管理（華潤集團子公司）做物業管理。
